Нұрлан Сауранбаев Көлік министрі болып тағайындалды
Мемлекет басшысының Жарлығымен Нұрлан Ермекұлы Сауранбаев Қазақстан Республикасының Көлік министрі лауазымына тағайындалды, деп хабарлайды Rail-news.kz Ақордаға сілтеме жасап.
Нұрлан Сауранбаев 1967 жылы Жамбыл қаласында дүниеге келген.
С.М. Киров атындағы Қазақ мемлекеттік университетін және Италиядағы Мұнай өнеркәсібі оқу орталығын бітірген. Мамандығы – экономист, мұнай әкімшілігі магистрі.
Еңбек жолын 1991 жылы жеке коммерциялық компанияның басшысы ретінде бастап, 1997 жылға дейін сол жерде жұмыс істеген.
1997–1998 жылдары – ҚР Кәсіпкерлер конгресінің атқарушы директоры.
1998–2000 жылдары – «Қазақстан темір жолы» РМК департаментінің директоры.
2000–2002 жылдары – «Атырау мұнай өңдеу зауыты» АҚ-ын қайта жаңғырту жобасын басқару тобының жетекшісі, бірінші вице-президент, бас менеджер, «Қазахойл» ЖАҚ.
2002–2004 жылдары – «ҚазМұнайГаз» ҰК» ЖАҚ-тың инженерлік және сервистік жобалар департаментінің директоры.
2004–2007 жылдары – «ТеңізСервис» ЖШС-нің бас директоры.
2007–2010 жылдары – «ҚазМұнайГаз» ҰК» АҚ-ның басқарушы директоры.
2010–2011 жылдары – «Самұрық-Қазына» ҰӘҚ» АҚ басқарма төрағасы орынбасарының кеңесшісі, басқарушы директор.
2011–2014 жылдары – Индустрия және жаңа технологиялар вице-министрі.
2014–2016 жылдары – Қорғаныс министрінің орынбасары.
2016–2017 жылдары – ЭКСПО-2017 халықаралық мамандандырылған көрмесін дайындау және өткізу жөніндегі штабтың ұйымдастыру комитетінің жетекшісі.
2017–2018 жылдары – Шымкент қаласының әкімі.
2019 жылдан бастап – Қазақстан Республикасы Президенті Әкімшілігінің Мемлекеттік бақылау және ұйымдастырушылық-аумақтық жұмыс бөлімі меңгерушісі.
2021 жылдың сәуір айынан бастап – «Қазақстан темір жолы» ұлттық компаниясы» АҚ басқарма төрағасы.