Алты айдағы ахуал
Жаңалықтар
05.07.2018, 12:31
![](https://rail-news.kz/uploads/posts/old/railnews5bc4980a394c32.62831269.jpg)
Алты ай ішінде Шымкент жол дистанциясының аумағында бес рет пойыздың адам басу дерегі тіркеліп, төртеуінде кісі өлімімен аяқталған. Бірінде құлағы естімейтін саңырау бала өзін-өзі өлімге тастаса, екіншісі құлаққаптың кесірінен қыршын кетті. Үшіншісінің періштесі қағып аман қалды.
Бес оқиғаның үшеуі Манкент – Ынтымақ, екеуі Шымкент – Қорғасын телімінде орын алған. Қайғылы жағдай сол баяғы белгіленбеген жерден өтуден шығып отыр. Манкент – Ынтымақ арасына сым тартылып, малдан қоршау жүргізілген. Қорғасын – Шымкент, Шымкент – Қызылсай бойы темірмен қоршалған. Осы оқиға болған жердің бәрінде адамдар қоршауды сындырып, майыстырып кеткен. Өкініштісі сол, бұл маң қиылыс жолға жатады. Бұрылыс жерлерден өткенде машинистер алдынан бірден шыққан адамды байқамай қалады. Манкент – Ынтымақ бойындағы қайғылы жағдай орын алған жерде малға жасалған қоршау бұзылыпты. Теміржолдың арғы бетінде 500 метр қашықта тұрғын үйлер орналасса, бергі жағы жайылымдық жер. Құлағына құлаққап таққан бала мал айдап өтпекші болып, пойыздың даусын естімеген. Машинист баланы қиылыс жолдан шыға бере 150 метр жерден байқаған, кемі 500 метр барып тоқтайтындықтан, әрине үлгермейді. Жантүршігерлік бұл жағдай маусымның 21 күні болса, 22 күні тал түсте тағы бір баланы пойыз қағады. Анасы, інісі үшеуі қатар жолдан өтіп бара жатқан. №89 «Астана–Қызылорда» бағытындағы Тальго жүрдек пойызының машинисі ададмдарды бұрылыс жолдан өте байқапты. Анасы өтіп үлгеріп, баласын тартқанша пойыздың екпіні ұшырып түсірген. Тальго пойызының даусы қатты естілмейтіндіктен, анасы да пойыз келе жатқанын аңғармаса керек. Аман қалған баланы жедел жәрдем әкеткен. Жақын тұста жер асты өткелі бар екен. Анасы қанша асықса да, балалардың қауіпсіздігін ойламағаны қынжылтады.
– Біз айтудан кенде емеспіз. Бірақ, оқиға қайталанып, еңбегімізді еш етуде. Жыл басынан бері дистанция аумағындағы барлық мектептерде 29 рет оқушылармен жиын өткіздік. ЖІІб тәртіп сақшыларымен станцияларға барып, тұрғындармен 124 рет кездесіп, 18 рет рейдке шықтық. Қысқасы, 30 мың адамды құлақтандырдық. «Он күн алдын ғана келіп кеттіңдер ғой» деп наразы болатындар да, «міндеттерің жол жөндеу ма, соны істеңдер, біздің амандығымыз үшін алаң болмаңдар» дейтіндер де бар. Қоршау жасағанмен жұрттың санасы өзгермейтіндіктен, үгіт-насихатты үзбейміз. Жақында теміржол бойында қауіпсіздікті сақтау жиыны өтті. Қаладағы үш аудан әкімі орынбасарлары қатысып, жергілікті БАҚ беттеріне теміржолдың өткенде сергек болу жайлы мақала жариялатуға уәде етті. Біз 5-10 минуттық бейнеролик дайындап береміз. Мүмкіндігінше теледидардан кешкі ас пен таңғы шайдың үстінде көрсетсе деген өтінішпен шықпақпыз, – дейді еңбек қорғау инженері Ақберен Абдрахманов.
Маманның пікірінше, айыппұл салуды қатаңдату керек. Кеше, мысалы, электровоз тоқтап, баспалдағы қисайғанынан 128 мың теңге шығын келіпті. Электровоздың тежегішті басып тоқтағаны 3-тен 30 минутқа созылса, 28 мың теңге, өсімпұлымен 34 мыңға айналады. Ол дистанцияның жылдық кірісінен ұсталады.
– Сондықтан, ЖІІб қызметкерлерімен айыппұлды пойызды тоқтатқан адам мен мал иесіне салуды қатаңдатуды сұрап жатырмыз. Тәртіп сақшылары бұл жағдайда сот арқылы өндіріп алуға болатынын айтуда. Өмірден өткен марқұмға айыппұл салу қиын. Дегенмен, тірі қалғандарын солай жазалайтын уақыт келді. Осы арқылы халықтың санасында «адам өлсе де пойыз жолдан өткені үшін айыппұл төлейді» деген түсінік қалыптасса, өздері үшін сақ жүрер еді, – деп ой айтады еңбек қорғау инженері.
Динар МЕЙІРМАН, Шымкент
Жаңалықтар
30.08.2024
«Нұрлы жол» вокзал кешені ҚР Ұлттық музейінің бірегей материалдарымен безендірілді
Қауіпсіздік
30.08.2024
Болашақ станциясында оқу-жаттығу өтті (Фото)
Инфрақұрылым
30.08.2024
Ақтөбеде күрделі жол жөндеу жұмыстарының 70 пайызы аяқталды
Әлеумет
30.08.2024
Кәсіподақ ұйымдары балаларға оқу құралдарын таратты
Әлеумет
30.08.2024
Теміржолшылардың балаларына қолдау көрсетілуде
Әлеумет
30.08.2024
Шымкентте 3 мыңға жуық балаға көмек көрсетіледі
Жаңалықтар / Мұрағат
30.08.2024
«Қазақстан теміржолшысы» газеті, №74 30 тамыз 2024 жыл
Жаңалықтар
29.08.2024
«Қазақстан теміржолшысы» газетінің тілшісі Industry Power байқауының жеңімпазы атанды
Жаңалықтар
29.08.2024
Абай облысының әкімдігі мен ҚТЖ басшылығы Семейдегі балалар темір жолын іске асыруды талқылады
Аймақтар
29.08.2024
Абай облысында жүк тасымалдау 4,8 млн тоннаға дейін өсті
Әлеумет
29.08.2024
Семейде «Мектепке жол» акциясы өтті
Жаңалықтар
29.08.2024
Атбасарда локомотив құрастыру зауытының капсуласын салу рәсімі өтті
Әлеумет
29.08.2024
Жамбыл бөлімшесі 292 балаға оқу құралын сыйлады
Аймақтар
29.08.2024
Техникалық күтім жоспарға сай жасалуда
Жүк тасымалы
29.08.2024
Астық қай елдерге экспортталып жатқаны айтылды
Аймақтар
29.08.2024
ҚТЖ басшылығы Павлодар өңірінің жүк жөнелтушілерімен кездесті
Жаңалықтар
28.08.2024
Көлік полицейлері ҚТЖ музейінде болды (Фото)
Әлемде
28.08.2024
Končar аккумулятормен жүретін алғашқы пойызын таныстырды
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді