«Жолаушылар тасымалының 100 жаңа есімі» жобасының жеңімпаздары марапатталды

Сұлугүл Бакесова

«Қазақстан теміржолшысы» газетінің тілшісі

«ҚТЖ» ҰК» АҚ ғимарат залында «Жолаушылар тасымалының 100 жас есімі» жобасының жеңімпаздарын марапаттау рәсімі өтті. Бұл жобаның мақсаты – компанияның жас қызметкерлерінің үлгісінде әдептілік, меритократия, кәсібилік және белсенді ниеттестік идеяларын ілгерілету. Нақтырақ айтсақ, мамандардың кадрлық құрамын одан әрі нығайтуға, болашақ басшылар резервін қалыптастырудың жаңа мәдениетін енгізуге, компания мен қоғамды трансформациялауды дамыту үшін өзгерістер агенттерін анықтауға бағытталған. Шарада сөз алған «ҚТЖ» ҰК» АҚ Басқарма төрағасының HR және әлеуметтік мәселелер жөніндегі орынбасары Серік Кеулімжаев:

– Жолаушылар шаруашылығының болашағынан үлкен үміт күттіретін үздік жастарын құттықтаймын! 100 жас есім пулына кірген жастар корпоративтік мәдениетті өзгерту және трансформациялау агенттері болады. Оқу кезінде алған дағдыларыңыз компания игілігі үшін жұмыста қолданылуы керек. Бүгін сіздерге құрмет көрсету Тәуелсіздік мерейтойы қарсаңында өтуінің де символдық мәні бар, – деп атап өтті.

Әрі қарай жобаның «Инновация» бағыты бойынша топ жарған 17 қатысушысын, «Әлеуметтік жауапкершілік» бағыты бойынша үздіктер қатарынан көрінген 45 және «Кәсібилік» бағыты бойынша жүзден жүйрік шыққан 38 жеңімпазын Ұлттық компания және «Жолаушылар тасымалы» АҚ топ-менеджерлері значоктармен марапаттады. «Ұлттық компанияда жыл сайын Жастар саясаты шеңберінде әртүрлі іс-шаралар, байқаулар өтіп тұрады. Соның бірі – «ҚТЖ-ның 100 жас есімі» байқауы. Өткен жылы осы жобаның жеңімпаздарын оқытудың 4-ші модулінің жабылуы барысында «ҚТЖ» ҰК» АҚ басқарма төрағасы Н.Сауранбаев эстафетаны «Жолаушылар тасымалы» компаниясына беріп, «Жолаушылар тасымалының 100 жас есімі» жобасын жүзге асыруды тапсырды. Байқау бес кезеңнен тұрды. Бірінші кезең өтінімдерді жинаудан басталды. Бұл жобаға қатысушыларды ұжымдары, жетекшілері, әріптестері ұсынды, сондай-ақ, өзін-өзі ұсынушылар да болды. Өтінім қабылдауда шектеу қойылған жоқ. Барлығы 18-ден 35 жасқа дейінгі 300-ден астам жас қызметкер Инновация, Кәсібилік, Әлеуметтік жауапкершілік бағыттары бойынша қатысты. Екінші кезеңде байқауға қатысушылар өздерін жан-жақты танытатын бейнероликтер дайындады. Міне, осы кезеңде үздік бейнепрезентациялар іріктелді. Бұдан кейін қатысушылар тестілеуден өтіп, кәсіби қызметтеріне, ҚТЖ ережелері, нұсқаулар, ҚР заңнамаларына қатысты сұрақтарға жауап берді. Одан әрі қарай үміткерлермен ҚТЖ-ның ішкі жаттықтырушылары жоғарыда атап өткен үш бағыт бойынша жеке-жеке сұхбат жүргізді. Ең соңғы турда қатысушылар сараптамалық іріктеуден өтті. Нәтижесінде «Жолаушылар тасымалы» АҚ-ның «100 жас есімі» тізіміне енген жеңімпаздар анықталып отыр», – деді «Жолаушылар тасымалы» АҚ-ның Персоналды басқару департаментінің директоры Майра Ермаханбетова. Оның айтуынша, байқау жеңімпаздарының жұмысы осымен аяқталмақ емес. Оларды әрі қарай жетілдіру жұмыстары жалғаспақ. Біріншіден, 100 жастың әрқайсысы «Жолаушылар тасымалы» АҚ топ-менеджерлеріне бекітілмек. Оларға басшылықпен «галстуксыз» кездесулерге қатысып, өз ойларын батыл, ашық, еркін жеткізу, алдағы жоспарларымен бөлісу мүмкіндігі берілмек. Бұдан кейін байқау жеңімпаздары кестеге сай өздері таңдаған бағыт бойынша оқудан өтетін болады. Яғни, бұл іс-шаралардың барлығы жастардың мансаптық сатыда өсуіне, өздерін жан-жақты танытуына, «Жолаушылар тасымалы» АҚ компаниясын трансформациялауда оң бетбұрыстар жасауына беріліп отырған мүмкіндіктер легі болмақ.

Жүк тасымалы
21.10.2025
Тоқаев: Былтыр Транскаспий бағытымен жүк тасымалдау көлемі 62 пайызға өсті
Жаңалықтар
21.10.2025
Тоқаев пен Ильхам Әлиев Орта дәлізді дамыту жобасымен танысты
Жаңалықтар / Жолаушылар тасымалы
21.10.2025
«Поттер пойызы» қазақ тіліндегі жаңарған бағдарламасымен және жаңа кейіпкерлерімен жолға шығады
Жаңалықтар
21.10.2025
Білім ордасына – 80 жыл
Сұхбат
21.10.2025
Қыс маусымы: Еңбек қауіпсіздігіне ерекше назар
ҚТЖ келбеті
21.10.2025
Еңбекпен өрілген өмір: Бахтарбек Жүнісовтың еңбек жолы
Жолаушылар тасымалы
21.10.2025
ҚТЖ жолаушыларына арналған ТОП-5 қолайлы сервис
Аймақтар
21.10.2025
Ұлт руханиятының қайнар көзі
Жаңалықтар / Мұрағат
21.10.2025
Қазақстан теміржолшысы газеті, №87 21 қазан 2025 жыл
Қауіпсіздік
20.10.2025
Таразда болашақ теміржолшыларға қауіпсіздік сабақтары өтті
Жаңалықтар
20.10.2025
ҚТЖ басшылығы Stadler зауытында болды
Аймақтар
20.10.2025
Тазалық акциясы тоқтамайды
Аймақтар
20.10.2025
Ақмола теміржолшылары 7,2 млн тонна жүк тиеді
Әлемде
20.10.2025
Үндістан 7000 км жоғары жылдамдықты теміржол желісін салмақ
Жүк тасымалы
20.10.2025
Темір жолдағы серпін: 9 айда 339 млн тонна жүк тасымалданды
Жолаушылар тасымалы
20.10.2025
Арқалық-Державинская бағытында жаңа қала маңы пойызы іске қосылды
Аймақтар
19.10.2025
Орал қаласының вокзалын қайта жаңарту тұрақты бақылауда
Жаңалықтар
18.10.2025
ҚТЖ: балалармен бірге табиғат үшін!
Жаңалықтар
17.10.2025
«Таза Қазақстан: теміржолшылар 90 мыңнан астам ағаш отырғызды
Жаңалықтар
17.10.2025
Оқытушылар құрамы ҚТЖ-да тағылымдамадан өтті