Биыл Алакөлге баратын пойыздар жаңартылды

Суретті түсірген автор
Қуаныш Қожаев

Абай облысы бойынша меншікті тілші

Соңғы жылдары Семей ЖТ бөлімшесі бойынша қала маңы тасымалына ерекше көңіл бөлінуде. Оған аймақ тұрғындарының сұранысы мен облыс әкімдігінің жыл сайынғы тапсырысы да себеп болып отыр.

Ел шығысындағы теміржолшылар жыл сайын туристік маусымға орай қатынайтын Семей-Достық және Өскемен-Достық жолаушылар пойызының биылғы қозғалысын ойдағыдай қорытындылады. Ойдағыдай болатын себебі, аталған бағыттар қозғалысы бойынша биыл жетістік көп.  

– Бұрындары Алакөлге қатынайтын жолаушылар шипалы көлге жақын Жалаңашкөл станциясына жету үшін жаздың аптап ыстығында біршама машақатқа түсетін. Жолаушы тасымалдайтын жекеменшік компания ескірген әрі қолайлы жағдай жасалмаған вагондарды пайдаланатындықтан шағым көп болатын. Ал, биыл ұлттық компанияның, жолаушылар тасымалының ықпалымен купелі вагондар беріліп, жылжымалы құрам біршама жаңартылды. Сондықтан болар, әлеуметтік желілерде сын айтушылар да әлдеқайда азайды, – дейді Семей вокзалының бастығы Есет Қажығұлов.  

Мәселен, №457,458 Семей-Достық пойызы қайта жаңарып, жолаушылар үшін тұрмыстық қажеттіліктердің барлығы әзірленген. Семей және Өскемен-1 станцияларынан жазғы кезеңде облыстық бюджеттен субсидияланатын, араға бір күн салып қатынайтын екі пойыз, тиісінше 416 және 364 орындық 8 және 7 вагон тұрақты қызмет көрсетті. Бұған дейін мұнда 260 орындық бес вагон болған еді. «Қала маңы тасымалдары» АҚ-мен жүргізілген келіссөздерден кейін вагон санын 15-ке дейін арттыру туралы келісімге қол жеткізіліпті. Ал, мәселен, бір ғана Семей вокзалындағы жолаушылар нөпірі тәулігіне 1500 адамды құрапты.  

Сонымен қатар, жолаушы нөпірін барынша азайту мақсатында № 6941/6942 «Ақтоғай-Достық» бағытындағы пойыз күн сайын қатынап тұрды. Жалпы, ел көлемінде барлығы 11 пойыз жолаушыларды демалыс аймағына тасымалдады.  

Айта кетерлігі, биыл Алакөлге қатынайтын жолаушылар саны да мол болған. Алматы, Нұр-Сұлтан қалаларын қоса алғанда айдынды көлге жалпы саны 400 мыңға жуық турист барған. Бұл көрсеткішті осыған дейін «KazakhTourism» ұлттық компаниясының баспасөз қызметі мәлімдеген болатын.  

Ал, жергілікті атқарушы органдардың мониторингіне сәйкес, бір күндік туристерді қоса алғанда былтыр мұнда шамамен 350 мың адам жолаушылар пойызымен жетіп, демалысын өткізген. Бір қызығы, жолаушылар билетінің құны алдыңғы 2020 жылғы деңгейде, яғни плацкарт вагонға 3780 теңге көлемінде сақталды. Бұл да туристердің ризашылығын туғызғаны анық.  

Семей вокзалы қызметкерлерінің айтуынша, демалысын ерте жоспарлаған азаматтар пойыз билеттерін 1-2 ай бұрын сатып алған. Соның нәтижесінде әсіресе жазғы маусымда билет тапшылығы сезілген. Оған бір себеп, Үржар және Үшарал әуежайларының жөндеуге жабылуы және республикалық Аягөз-Бақты тас жолының 92-ші шақырымына дейінгі күрделі жөндеуден өткізілуі болыпты.  

Жаңалықтар
18.10.2025
ҚТЖ: балалармен бірге табиғат үшін!
Жаңалықтар
17.10.2025
«Таза Қазақстан: теміржолшылар 90 мыңнан астам ағаш отырғызды
Жаңалықтар
17.10.2025
Оқытушылар құрамы ҚТЖ-да тағылымдамадан өтті
Аймақтар
17.10.2025
ШҚО теміржолшылары көмір қорын тексерді
Жаңалықтар
17.10.2025
Теміржолшы «Ерен еңбегі үшін» медалімен марапатталды
Жаңалықтар
17.10.2025
ҚТЖ электрмен жабдықтау шаруашылығында телемеханика жүйесін жаңғыртуда
Аймақтар
17.10.2025
Әлеуметтік ахуал – ерекше назарда
Аймақтар
17.10.2025
Теміржолшылардың отбасына алғыс хат табысталды
Аймақтар
17.10.2025
Атырауда теміржолшылар кәсіподақтың 120 жылдығын атап өтті
Әлеумет
17.10.2025
100 теміржолшы донор болды
Жаңалықтар / Мұрағат
17.10.2025
Қазақстан теміржолшысы газеті, №86 17 қазан 2025 жыл
Жүк тасымалы
16.10.2025
ҚТЖ Шығыс Қазақстанға көмірдің үздіксіз теміржолдық жеткізілімін қамтамасыз етеді
Жаңалықтар
16.10.2025
ҚТЖ-да жапондық Riken KOGYO компаниясы өкілдерімен кездесу өтті
Аймақтар
16.10.2025
Жамбылда экологиялық акция жалғасуда
Трансформация
16.10.2025
Тепловоздарды автоматтандыру процесі үздіксіз жүруде
Аймақтар
16.10.2025
Түбекке су жаңа тепловоздар келді
Қауіпсіздік
16.10.2025
Атырауда биыл 417 рет шұғыл тежеу қолданылған
Жаңалықтар
16.10.2025
ҚТЖ, ГТЖ және қазақстандық экспорттаушылар жаңа мүмкіндіктерді талқылады
Жаңалықтар
16.10.2025
ҚТЖ Жас кадрлар резервіне іріктеу жариялайды
Жаңалықтар
16.10.2025
Қара теңіз бен Каспий арасында жаңа контейнерлік бағыт іске қосылатын болды