ҚТЖ жазда 4,2 млн-нан астам жолаушыны тасымалдамақ

Алматы қаласында Алакөл көлі бағытындағы жазғы тасымалдарды ұйымдастыру бойынша ҚТЖ және «Жолаушылар тасымалы» АҚ басшылығы, туристік операторлар және демалыс базалары иелерінің қатысуымен кеңейтілген кеңес өтті, деп хабарлайды Rail-news.kz.

Сондай-ақ, отырысқа «Атамекен» ҰКП, Көлік министрлігі теміржол және су көлігі комитетінің, салалық қауымдастықтардың өкілдері шақырылды.  

2024 жылдың жаз айларында ҚТЖ өткен жылдың сәйкес кезеңімен салыстырғанда курорттық аймақтарға жолаушылар тасымалын ұлғайтуды және 4,2 млн-нан астам жолаушыны тасымалдауды жоспарлап отыр.

Алакөл көлінің бағытында пойыздар Астана, Алматы, Шығыс Қазақстан және Абай облыстарынан 12 бағыт бойынша қатынайтын болады. Сондай-ақ, биыл алғаш рет бұл бағытта Қызылордадан пойыз жүреді. Он бағыт бойынша «Жолаушылар тасымалы» АҚ пойыздары, ал екі бағыт бойынша - жеке тасымалдаушылар құрамы жүретін болады. Ұлттық тасымалдаушының пойыздарының құрамы толығымен ауаны баптау жүйесімен жабдықталған вагондардан құралады.

«Теміржол көлігі еліміздің туризм саласын дамытуда шешуші рөль атқарады. Біз жыл сайын Алакөл курорттық аймағына жолаушылардың тасымалдауға деген сұранысы артқанын байқаймыз. Сондықтан осы жазғы маусымға Алакөл көліне дейінгі пойыздардағы орындардың санын арттыру мақсатында, өткен жылмен салыстырғанда 16 мыңға, яғни 270 мың орынға дейін ұлғайту туралы шешім қабылдадық», - деп атап өтті, «Жолаушылар тасымалы» АҚ Басқарма Төрағасы Жәнібек Тайжанов.

Алакөл бағытындағы пойыздар туристер үшін танымал Жалаңашкөл, Ақши және Бескөл станцияларында тоқтайды. Онда жолаушылардың жайлылығы мен қауіпсіздігін қамтамасыз ету үшін қажетті жағдайлар жасалған: перрондар ұлғайтылды, күту залдары мен кассалар жөнделді. Жолаушыларға ыңғайлы болу үшін станцияларда кассирлердің ауысымдық жұмысы ұйымдастырылды. Сондай-ақ, билеттерді bilet.railways.kz сайттында комиссиясыз сатып алуға болады. Ал билеттер болмаған жағдайда жолаушы «Күту парағы» қызметін пайдалана отырып, пойызда бос орынға билет сатып алу үшін кезекке тұра алады. Бұл қызмет bilet.railways.kz сайтында немесе «Жолаушылар тасымалы» АҚ билет кассаларында ақысыз негізде қол жетімді.  

Қазіргі уақытта Ұлттық тасымалдаушы жылжымалы құрамды жазғы тасымалдауға белсенді дайындауда. Желдету және ауаны баптау жүйелерін қайта консервациялау, ауа сүзгілерін ауыстыру, сумен жабдықтау жүйесін тазарту және дезинфекциялау, вагондардың электр жабдықтарын тексеру, тамбурларды, титандарды, жылыту жүйелерінің құбырларын және басқа да бөлшектерді сырлау, сондай-ақ, вагондардың шанақтарын сыртқы жуу бойынша жұмыстар жүргізілуде.  

Кеңесте Павлодар, Шымкент және Қызылорда қалаларынан Алакөл көліне дейін біржолғы пойыздарды ұйымдастыру, туроператорлардың билеттерді жөнелтуге дейін 180 тәуліктен бастап броньдау жұмыстарын жүргізу, интермодальдық тасымалдарды дамыту бойынша ынтымақтастық мәселелері талқыланды.  

«Жолаушылар тасымалы» АҚ туроператорлармен тұрақты негізде кеңестер өткізеді. Биыл бұндай кездесу екінші рет ұйымдастырылды.  

 

Жаңалықтар
18.09.2025
Алматыда оқыту семинары өтті
Жолаушылар тасымалы
17.09.2025
Адамдар неге пойызбен жүруді жөн санайды?
Жолаушылар тасымалы
17.09.2025
Тағы қай бағыттың пойыздары Starlink интернетіне қосылатыны айтылды
Әлемде
17.09.2025
Калифорнияда сутекпен жүретін алғашқы пойыз іске қосылды
Жаңалықтар
17.09.2025
ALT университетінде ҚТЖ басшыларына арналған «Үздіктер алаңы» бағдарламасы басталды
Жүк тасымалы
17.09.2025
Қостанай өңірінен темір жолмен астық тасымалдау 20%-ға артты
Жаңалықтар
17.09.2025
Теміржолшылар қалдықтарды сұрыптау жолдарын үйренді
Жаңалықтар
16.09.2025
Теміржолшылардың қысқы маусымға дайындығы талқыланды
Жүк тасымалы
16.09.2025
Қытай – Қазақстан – Түрікменстан – Иран теміржол дәлізі жанданады
Трансформация
16.09.2025
Жүк тасымалы мен магистральдық желіні біріктіру – уақыт талабы
Аймақтар
16.09.2025
Қысқа әзірлік қарқынды жүргізілуде
Қауіпсіздік
16.09.2025
Екі көпір тұрса да, ерінетіндер көп
Аймақтар
16.09.2025
Әулиеата командасы бас жүлдені жеңіп алды
Қауіпсіздік
16.09.2025
«ҚТЖ»-да еңбек қауіпсіздігі мен экология бойынша үздіктер анықталды
Жаңалықтар / Мұрағат
16.09.2025
Қазақстан теміржолшысы газеті, №75 16 қыркүйек 2025 жыл
Жаңалықтар
15.09.2025
ҚТЖ мен РЖД стратегиялық ынтымақтастық бойынша басым бағыттарды айқындап алды
Әлеумет
15.09.2025
Теміржолшының студент баласына жол ақысы өтеледі
Жүк тасымалы
15.09.2025
Мамыр-қыркүйек аралығында 24 млн тонна көмір тасымалданды
Цифрландыру
15.09.2025
Бейнеу станциясы цифрландыруға көшеді
Станция тынысы
15.09.2025
Теміржолшылардың қажырлы еңбегі: Арал станциясының көрсеткіштері