Тәуелсіздік құрдастары «Нұрлы жол» вокзал кешенінде де қызмет етеді
«Қазақстан теміржолшысы» газетінің тілшісі
«Нұрлы жол» вокзал кешенінде үш жылдан бері сервис және маркетинг секторы менеджері болып қызмет ететін Әйгерім Битабарова – тәуелсіздік құрдасы. Аягөзден шыққан ару теміржол саласындағы еңбек жолын 2013 жылы «Жолаушылар тасымалы» акционерлік қоғамының «Солтүстік» филиалында хатшы болып бастап, өндірістік-техникалық бөлімнің техник, инженері, жетекші инженері қыз- меттерін атқарды. Әйгерімнің қазіргі таңдағы қызметі бойынша негізгі міндеті – қолданыстағы қызметтердің дамуына жағдай жасау, сонымен қатар қосымша жаңа қызметтердің қосылуына ықпал ету. «Жөндеу жұмыстарын ұйымдастыру, жалға берушілермен келіссөздер жүргізу, келісімшарттағы міндеттемелердің орындалуын қадағалау, сонымен қатар вокзалдағы орындарды жалға беру бойынша конкурстық рәсімдерді өткізу де – біздің сектордың құзырын- дағы жұмыс, – дейді ол. Сондай-ақ есепті уақытында жүргізіп, тапсыру, вокзалдың барлық коммерциялық аудандарының үздіксіз пайдаланылуын қамтамасыз ету, маркетингтік зерттеу саласындағы жұмыс- тарды ұйымдастыруды да оның маңызды қызметтік міндеттеріне жатады. Осындай ғажап вокзал кешенінде қызмет етіп, елорда тұрғыны атануы тәуелсіздіктің арқасы деп санайды. – Әрине басында оңай болмады, әр саладағы жұмыстардың өз қиындығы мен қызығы болатыны рас екен. Қазақ жол және қатынастар университетіне оқуға түсіп, жылжымалы құрамды пайдалану және тасымалдау мамандығын алып шықтым. Одан бері 8 жыл уақыт зымырап өте шықты.