Тәуелсіздікпен құрдас шымкенттік жас маман жол және құрылыс саласын дамытуға үлес қосуды көздейді

ҚТЖ келбеті
30.11.2021, 12:44
Жансая Сыдықбай

Шымкент қаласы бойынша меншікті тілшісі

Отыз жыл ішінде ғасыр жүгін көтеретін ұлы өзгерістер болды. Еліміз Тәуелсіздік алды. Сол жылы дүниеге келген сәбилер бүгінде орда бұзар отызға келіп, ат жалын тартып мінген азамат болды. Еліміздің барлық саласында еселі еңбек етіп жүрген жас буын қатарында теміржолшы Нұрсұлтан да бар. Шымкент магистральдық желі бөлімшесінің №4 өндірістік учаскесінің бастығы Нұрсұлтан Дүйсебаев еңбек жолын 2015 жылы Шымкент жол дистанциясында жол монтері болып бастаған. Мамандығын жанындай сүйетін ол бұл салаға келгеніне өкінбейді. «Қазақстан теміржолына, жол және құрылыс саласын дамытуға өз үлесімді қосқым келеді» дейді. Осы салада жоғары оқу орнын үздік дипломмен тәмамдаған жастың көздеген мақсатына жетері күмән тудырмайды.

«Жолдың тура әрі тегіс жатуын формулалармен есептеп, сызып жасаған өте қызықты. Сызбалармен жұмыс істегенде басқа дүниені ұмытамын. Егер жолдың жатысы дұрыс болмаса және дұрыс есептелмесе, апатты жағдайлар болуы мүмкін. Сондықтан жұмыс орнында сақтық шарасы өте мықты болуы қажет» деп санайды ол.

Нұрсұлтаннан «Тәуелсіз деген ұғым сен үшін не?» деп сұрадық. Ол «Еліміздің егемендігі, бейбіт аспан астында емін-еркін жүріп, ешкімге жалтақтамай өмір сүруіміз» деп жауап берді. Расында, азат елдің баласы осылайша азат ойласа керек. Аға буын әңгімесін әдетте: «Біз кешегі одақтың құрамында болдық, өз алды- мызға дербес ел емес едік...» деп бастар еді... Нұрсұлтан теміржол саласында еңбек жолын бастаған бес-алты жылда 2-ші санатты, кейін 1-ші санатты инженер-технолог, дефектограмды талдау бөлімінің бас маманы, өндіріс бойынша менеджер, Қазығұрт станциясында жол шебері сатыларынан өтіп ысылып, тәп- тәуір тәжірибе жинақтап үлгерген. 2018 жылы «Үздік маман» атанды. Әр маманның өзіне ұнайтын, мотивация беретін тәлімгері болады. Ол Шымкент жол дистанциясының бұрынғы басшысы Нұржан Алиевты өзіне үлгі тұтатынын жеткізді. Жас маман теміржолға өзгерістер қажеттігін айтады.

«Биыл Тәуелсіздіктің 30 жылдығы. Осы жылдар ішінде еліміз айтарлықтай дамып келеді. Теміржолда да өзгерістер мен жаңалықтар баршылық, дегенмен жол шаруашылығы кешенді жаңғыруды қажет етеді, тек жол табанын жаңарту емес, жол жөндейтін және жұмыс істеуге арналған құрал-саймандар механикалық тұрғыдан жаңаруы қажет деп ойлаймын» деді пікірімен бөлісіп. Есімі Елбасының құрметіне қойылған Нұрсұлтан ата-анасының бұл шешіміне риза. «Тәуелсіздік алған жылы дүниеге келдім, есімім де Елбасымен аттас. Осы атқа лайық болмасыма хақым жоқ» дейді күліп.

Жастардың өн бойында оң ниетті амбиция болуымен қатар Тәуелсіздікті тереңінен ұғынғаны жақсы қасиет. Нұрсұлтан үшін басты мақсат – күн сайын жұмысқа құр келіп-кету емес, жолдың жағдайын, қозғалыс қауіпсіздігін қамтамасыз етуге атсалысу, өндіріске жаңалық енгізу. Бос уақыты бола бермейді. Қолы қалт етсе мамандығына қатысты кәсіби кітаптарды оқып, білімін шыңдағанды қалайды. Болашақта техника бөліміне ауысып, жол шаруашылығын сауықтыруға үлес қосқысы келеді.

Жаңалықтар
18.10.2025
ҚТЖ: балалармен бірге табиғат үшін!
Жаңалықтар
17.10.2025
«Таза Қазақстан: теміржолшылар 90 мыңнан астам ағаш отырғызды
Жаңалықтар
17.10.2025
Оқытушылар құрамы ҚТЖ-да тағылымдамадан өтті
Аймақтар
17.10.2025
ШҚО теміржолшылары көмір қорын тексерді
Жаңалықтар
17.10.2025
Теміржолшы «Ерен еңбегі үшін» медалімен марапатталды
Жаңалықтар
17.10.2025
ҚТЖ электрмен жабдықтау шаруашылығында телемеханика жүйесін жаңғыртуда
Аймақтар
17.10.2025
Әлеуметтік ахуал – ерекше назарда
Аймақтар
17.10.2025
Теміржолшылардың отбасына алғыс хат табысталды
Аймақтар
17.10.2025
Атырауда теміржолшылар кәсіподақтың 120 жылдығын атап өтті
Әлеумет
17.10.2025
100 теміржолшы донор болды
Жаңалықтар / Мұрағат
17.10.2025
Қазақстан теміржолшысы газеті, №86 17 қазан 2025 жыл
Жүк тасымалы
16.10.2025
ҚТЖ Шығыс Қазақстанға көмірдің үздіксіз теміржолдық жеткізілімін қамтамасыз етеді
Жаңалықтар
16.10.2025
ҚТЖ-да жапондық Riken KOGYO компаниясы өкілдерімен кездесу өтті
Аймақтар
16.10.2025
Жамбылда экологиялық акция жалғасуда
Трансформация
16.10.2025
Тепловоздарды автоматтандыру процесі үздіксіз жүруде
Аймақтар
16.10.2025
Түбекке су жаңа тепловоздар келді
Қауіпсіздік
16.10.2025
Атырауда биыл 417 рет шұғыл тежеу қолданылған
Жаңалықтар
16.10.2025
ҚТЖ, ГТЖ және қазақстандық экспорттаушылар жаңа мүмкіндіктерді талқылады
Жаңалықтар
16.10.2025
ҚТЖ Жас кадрлар резервіне іріктеу жариялайды
Жаңалықтар
16.10.2025
Қара теңіз бен Каспий арасында жаңа контейнерлік бағыт іске қосылатын болды