«Болашақ» түлегі серверлік инфрақұрылымды дамыта түсуді көздейді
«Қазақстан теміржолшысы» газетінің тілшісі
«Болашақ» бағдарламасының тағы бір түлегі теміржолда жемісті еңбек етіп жүр. Ол – «ҚТЖ» ҰК» АҚ «Автоматтандыру және цифрландыру дирекциясы» филиалы директорының орынбасары Айзек Жұпанхан.
Отыз екі жастағы Айзек 2008-2013 жылдар аралығында Джордж Вашингтон университетінде электроника/электр технологиясы мамандығына оқыған. Еңбек жолын Назарбаев университетінде бастаған. Ал Қазақстан темір жолында 2019 жылдан бері еңбек етіп келеді. Қазір ол инфрақұрылымды дамыту блогын басқарады.
Оның айтуынша, филиал қазіргі уақытта аталған жүйелерді одан әрі дамыту бағытында жұмыс жүргізеді, себебі олардың әлеуетін толық пайдаланып жатқан жоқ. Мәселен, локомотивтерді қадағалауға арналған GPS модулі есебімен олар жолаушылар пойыздарын қадағалау сервисін енгізуді жоспарлап отыр, яғни құрамның нақты келу және кету уақытын бақылайды.
Серверлік инфрақұрылымды дамытуға байланысты Айзектің алға қойған арман- мақсаты аз емес. Бүгінгі таңда оның командасы қолға алып отырған жоба – компанияның ішкі және сыртқы, яғни батыс Қытай-батыс Еуропа бағытында транзиттік жүк жіберетін клиенттер үшін жүктерді қадағалау сервисін жасап шығару. Қос құрлықтың арасында өсіп келе жатқан контейнерлік тасымалды сапалы сервиспен қамтамасыз етуді басқа емес, Қазақстан темір жолы ұсынса деп армандайды.