«Жас үздік маман» атанған теміржолшыға Құрмет грамотасы табысталды

ҚТЖ келбеті
18.10.2022, 11:22
Суретті түсірген автор
Шахида Жұман

Маңғыстау облысы бойынша меншікті тілші

Маңғыстау жүк тасымалы қосалқы бөлімінің бастығы Нәжімеден Ғұбашов республикалық сайыста білімі мен кәсіби біліктілігін дәлелдеп, «Жас үздік маман» атанған түбектік теміржолшы Бекмырза Қожаевты жұмыс орнына арнайы барып құттықтады.

Маңғыстау станциясында пойыз құрастырушы болып еңбек ететін Бекмырзаның теміржол саласындағы бес аталым бойынша Астана қаласында өткен «Жас үздік маман» республикалық салалық байқауында топ жарғаны бүкіл түбек теміржолшыларының мерейін өсірді. Пойыз құрастырушылар бағыты бойынша алдымен өз мекемесі шеңберінде, сосын Маңғыстау қосалқы бөлімі бойынша сынақтардан сүрінбей өтіп, елордаға жолдама алған жас жігіт өзге өңірлерден жиналған әріптестерінің арасында да біліктілігін таныта білді. Өз саласының қыр-сырын жақсы меңгеріп, түбек теміржолына абырой сыйлаған жас теміржолшыға Құрмет грамотасын табыстаған бөлімше басшысы үздік жас маманның алдағы жұмысына сәттілік тілеп, болашағына сенім артты. Маңғыстау теміржолы қашанда білікті мамандарымен мақтанатынын жеткізді.  

Бекмырза Қожаевтың ендігі мақсаты – ҚТЖ компаниясының «100 жас есім» жобасының іріктеуінен өтіп, таңдаулы жастардың қатарынан көріну. Айтуынша, оған бұл мамандықты меңгеріп, жетістікке жетуіне жігер беретін анасы екен. Бекет кезекшісі болып еңбек ететін теміржолшы әйел баласын жастайынан осы салаға дайындап, кәсіби білікті маман болып қалыптасуына барын салған екен.  

– Әкем мұнай саласында еңбек етсе, анам «Р» бекетінде кезекші. Мені бұл кәсіпке баулыған, теміржолшы болып қалыптасуыма ықпал еткен – анам. Бала кезден анаммен көп жүріп, оның жұмысының қыр-сырымен таныс болып, көріп өстім. Мектепті бітірген соң Алматыдағы теміржол академиясына тасымалды ұйымдастыру мамандығы бойынша оқуға түсіп, тиянақты білім алдым. Биыл жеті жыл болды, өндірісте еңбек етіп, қозғалыс саласының барлық «нюансын» меңгеріп жатырмын. Өзім атқарып жүрген міндетті толық біліп, іс жүзінде қалай қолдануды білмесем, маған сын болар еді. Сондықтан, байқауда барлық сауал өзіміздің күнделікті жұмыстарымызға қатысты болғасын еш қиындық туғызбады. Сынақтар, байқаулар негізі адамды ынталандырады, шыңдайды. Мен бүгінде «100 жас есім» жобасының бірінші іріктеуінен өтіп, екіншісіне дайындалып жатырмын. Ең бастысы, алдыңа мақсат қойып, армандай білу керек. Ал ынта мен жігерің болса бәріне қол жеткізуге болады, – дейді Бекмырза Қожаев.  

Кейіпкеріміз жас болса да отбасын құрып, бүгінде екі баланың әкесі атанып отыр. Сондықтан барлық бос уақытын ұлдарының тәрбиесіне арнайды. «Болашақ теміржолшылар әулетінің мүшелері» деп қалжыңдайды. Болашақта отбасылық футболшылар командасын жасақтауды армандайды. Өйткені өзі спортты жақсы көреді, Маңғыстау теміржолшыларының футбол командасының белді мүшесі.  

 

Жаңалықтар
02.12.2022
Екібастұз теміржолшылары қатаң режимде жұмыс істеп жатыр
Жаңалықтар
02.12.2022
ҚТЖ-да зияткерлік меншік құқықтарын қорғау туралы айтылды
Жаңалықтар
02.12.2022
Кәсіподақ жетекшісі сайланды
Жаңалықтар
02.12.2022
Теміржолшы Айымкүл Омарова 80 жасқа толды
Станция тынысы
02.12.2022
Әйтеке би станциясының тыныс-тіршілігі
Қауіпсіздік
02.12.2022
Вагон қараушының қырағылығы арқасында жүк пойызы апаттан аман қалды
Жаңалықтар
02.12.2022
Қосымша кіріс көзі
Аймақтар
02.12.2022
Табиғатқа – жанашыр көзбен
Жаңалықтар
02.12.2022
Отандық зауыт ҚТЖ-мен бірлесіп жаңа өндірісті игеруде
Жүк тасымалы
02.12.2022
Семей арқылы Ресейге жүк жеткізу 2,5 есе артқан
Әлеумет
02.12.2022
ҚТЖ Екібастұзға көмек ретінде төрт вагон бөлді
Жаңалықтар
02.12.2022
Ынтымақтастық форумы өтті
Инфрақұрылым
02.12.2022
Ауқымды инвестиция тартылмақ
Мұрағат
02.12.2022
«Қазақстан теміржолшысы» газеті, №94 02 желтоқсан 2022 жыл
Жаңалықтар
01.12.2022
ҚТЖ академиясында 200-ден астам теміржолшы оқудан өтті
Әлемде
01.12.2022
Нидерландыда машинистсіз жүретін маневрлік локомотив таныстырылды
Станция тынысы
01.12.2022
Қазалы станциясында бір ғасырдан асқан станок әлі жұмыс істеп тұр
Әлемде
01.12.2022
Alstom компаниясы сутегімен жүретін маневрлі локомотивті таныстырды
Станция тынысы
01.12.2022
Шеберханадан дистанцияға айналған
Жүк тасымалы
30.11.2022
Қазақстан арқылы өтетін Қытай мен Ресейдің контейнерлік тасымалы төрт есеге ұлғайған