Жедел жәрдемге айналған жолсерік

ҚТЖ келбеті
11.01.2024, 14:30
Суретті түсірген автор
Ардақ Ерубаева

Ақтөбе облысы бойынша меншікті тілші

«Алматы-Ақтөбе» бағытындағы №33 пойыздың жолсерігі Ғалия Қабдрахманова көпбалалы келіншектің алтыншы баласын пойыз ішінде босандырып алды. Жиырма жылдық тәжірибесі бар жолсерік ақ халаттылар келгенше қатты қобалжығанын жасырмайды.  

Ғалияның «Жолаушылар тасымалы» АҚ қызметінде еңбек етіп жүргеніне биыл 17 жыл. 2007 жылы «Батыс» пойызының қызметі қосылғаннан бастап, жолаушылар қызметінде. 7 қаңтар күні әдеттегідей кезекті рейсте жолда болған. Пойыз Шалқар станциясынан қозғалғанда жолаушы жүкті келіншектің толғағы басталғанда қатты қобалжыған. Өзі үш баланың анасы болған соң әлдеқандай болады деп ана мен бала үшін алаңдады.  

– Дәл осындай жағдай менің тәжірибемде алғаш рет болып отыр. Сондықтан алғашқыды қатты қобалжыдым. Әйтсе де, пойыз бастығына хабарлаған соң тездетіп купені босатып, керек-жарақты дайындап, кез келген жағдайға әзір болдық. Жолаушылар арасынан дәрігер іздестіріп, басқа вагонның жолсеріктері де жан-жақтан көмек көрсетті. Пойыз бастығы келесі станциядан жедел жәрдем шақырып қойды. Бірақ сәби вагон ішінде дүниеге келуді қалаған екен, балпанақтай қыз бала аман-есен дүниеге келді, – дейді жолсерік Ғалия Қабдрахманова.

Ана мен бала Жем станциясында күтіп тұрған дәрігерлерге табысталды. Қазір олардың жағдайы қалыпты. Оқиға кезінде бәрі де дүрлігіп шапқылаған пойыз бригадасы бала мен ананың амандығы үшін қуанышты.  

– Жолда түрлі жағдайлар болады. Келіншектердің пойызда босанып қалуы да бірінші рет емес. Біз тек амандығын тілейміз. Абырой болғанда кешегі жағдай қуанышты аяқталды. Тоғыз станциясынан мінген жүкті келіншек Ақтөбе қаласына жетпей толғағы басталып, тағы бір сәби пойызда дүние есігін ашты, – дейді пойыз басшысы Ерсұлтан Мұханбеталы.  

Жас босанған ана Айнагүл Тілеубергенова теміржолшыларға алғыс айтты.  

«Пойыздың барлық қызметкерлеріне осындай төтенше жағдайда қол ұшын беріп, мені жалғыз қалдырмағандары үшін үлкен алғысымды білдіремін. Өзім босану үшін Ақтөбе қаласына жолға шығып, орта жолда осындай жағдай болды. Өскенде қызыма айтатын боламын. Қазір өзімнің де, баламның да денсаулығы жақсы, – деп алғысымен қатар қуанышымен де бөлісті кішкентай Маликаның анасы Айнагүл.

Айта кетейік, соңғы 3 жылда Ұлттық компания пойыздарында 11 сәби дүниеге келген.

 

Жаңалықтар
12.09.2025
ҚТЖ-да еңбек қорғау және экология бойынша корпоративтік олимпиаданың жеңімпаздары анықталды
Жаңалықтар
12.09.2025
ҚТЖ сатып алу жүйесіне жасанды интеллект енгізіп, отандық өндірісті қолдайды
Жолаушылар тасымалы
12.09.2025
«Алматы – Мәскеу» бағытында тікелей теміржол қатынасы ашылады
Жаңалықтар
12.09.2025
Өткенге есеп, келешекке міндет
Қауіпсіздік
12.09.2025
Қауіпсіздік өзіңнен басталады
Жүк тасымалы
12.09.2025
Семейде көмір тасымалы артты
Әлеумет
12.09.2025
ҚТЖ балаларға ерекше қамқорлық көрсетуде
Жаңалықтар / Мұрағат
12.09.2025
Қазақстан теміржолшысы газеті, №74 12 қыркүйек 2025 жыл
Инфрақұрылым
11.09.2025
Қазақстанда 1700 км-ден астам жаңа теміржол салынып жатыр
Жаңалықтар
11.09.2025
ҚТЖ: Алматы облысында Агро-индустриялық паркті дамыту бойынша ынтымақтастық туралы келісімге қол қойылды
Әлеумет
11.09.2025
«Саламатты Қазақстан» пойызы ШҚО-ға келді
Аймақтар
11.09.2025
Абай өлеңдерін оқыды
Жүк тасымалы / Бейнелер
11.09.2025
Қазақстан мен Өзбекстан арасында жаңа бағыт іске қосылды
Жүк тасымалы
11.09.2025
ҚТЖ-да астық тасымалы талқыланды
Жаңалықтар
10.09.2025
Кәсіподақтың XI съезі өтті
Жүк тасымалы
10.09.2025
Қазақстан Вьетнамға бидайды тікелей контейнер ауыстырмай жеткізді
Жолаушылар тасымалы
10.09.2025
ҚТЖ «Voice Beyond Horizon» музыкалық реалити-шоуына арнап пойыз жасақтады
Аймақтар
10.09.2025
Қызылорда теміржолшылары – мемлекеттік тілдің үздік жанашыры
Жүк тасымалы / Инфографика
10.09.2025
8 айда теміржол көлігімен жүк тасымалы 4% өсті
Әлемде
10.09.2025
Мексикада жүк пойызы автобуспен соқтығысты: 10 адам қаза тауып, 60-тан астамы жараланды