Көктен қараған күлімкөз

ҚТЖ келбеті
08.03.2024, 12:45
Суретті түсірген автор
Сабырхан Сейілбекұлы

Қызылорда облысы бойынша меншікті тілші

Кәсіби мамандықты таңдау көп жағдайда мектеп қабырғасынан басталады. Алайда, Ақмарал Исмаилова қазіргі кәсібі туралы мектепте армандап көріп пе?! Жоқ. Оның қазіргі атқарып жүрген кәсібін қыздар түгілі ерлердің өзі меңгеруге тәуекел жасай бермейтіні анық.

Ақмарал Қызылорда локомотив пайдалану депосының Шиелі айналым депосында көпірлі кран машинисі. Он шақты жылдан бері Шиелі айналым депосында аталған техниканы басқарып келеді. Оның көпірлі краны депо ғимаратының ішіндегі білек темірдің бойымен ғана қозғалып, аса ауыр салмақты керекті жерге көтеріп-түсіріп, локомотивтерді жөндеу кезінде маңызды рөл атқарады.  

Депоның Шиелі станциясындағы өндірістік жұмыстары Ертуған Өтеғұловтың басшылығымен жүргізілуде. Басшы нәзікжанды кран машинисіне дән риза.  

– Ақмаралдың депо жұмысында рөлі ерекше. Кез келген адамның атқара алмайтын жауапкершілігі мол жұмысты Ақмарал алғашқы күннен бастап ұршықша иіріп әкетті. Біздің ұжымдағы жеті қыздың барлығы ерлермен бірге бір сапта еңбектің тайқазанын қайнатуда. Азаматтарымыздың оларға деген ілтипаты, құрметі ерекше, – дейді айналым депосының бастығы Ертуған Өтеғұлов.  

Ақмарал бала кезінен теміржолда еңбек ететін ағаларына еліктеп, әрі сол кезеңдегі ең сенімді сала теміржолда жұмыс істеуге құштар болыпты. Бұл еліміз егемендік алған, бірақ тәй-тәй басқан бүлдіршіндей аяғынан нық тұрып кетпеген кезі болатын. Теміржолдың сол кезде тұрақты еңбекақы төлеп тұратыны көпшілікке демеу болып көрініпті. Ақмарал да ағаларының ақылымен Шиелі айналым депосына дефектоскопия маманы болып жұмысқа орналасыпты. Алғашында жұмыс ауырлау болғаны рас. Бірақ жанындағы әріптестері мен басшылықтың қолдауы жас қызға демеу болып, ол теміржолшы кәсібінің қыр-сырын меңгере бастайды.  

Арада бірнеше уақыт өткенде жұмысқа тындырымды, жауапкершілікті бірінші орынға қоятын Ақмарал депо басшылығының ұсынысымен көпірлі кран машинисі болып қызметін ауыстыруға бел буады. Жерде емес, биікте әрі депо ішіндегі көпірлі кранда жұмыс істеуге алғашқы кезде жүрексінген қайсар қыз бойын тез жинап алып, кран тетіктерін меңгеруге кірісті. Бірнеше күннен кейін ол техниканы оңай игеріп, берген командаларды емін-еркін орындайтын кәнігі маманға айналды.  

– Теміржол – күрделі сала. Алып саладағы қай қызметтің де өзіндік ерекшелігі, жауапкершілігі бар. Әрине, темір жол маған таңсық емес еді. Алғаш теміржолшы мамандығы туралы ағаларымнан естіп білдім. Бірақ, көпірлі кран машинисі боламын деген ой үш ұйықтасам да түсіме кірмепті. Дегенмен барлығына салқынқандылықпен қарауға тырыстым. Шағын кабинаның ішінде отырып орасан зор салмақтағы тепловоз бөлшектерін тиісті жерге көтеріп түсірудегі қауіпсіздікті сақтау, дәлдікке мән беру жауапкершілікті қажет етеді. Осындай саланың өзіндік ерекшеліктерін біліп, тәжірибе жинауға қол ұшын берген және маған сенім білдірген тәлімгерлеріме, әріптестеріме, депо басшылығына алғысым шексіз,– дейді көпірлі кран машинисі Ақмарал Әбітайқызы.  

Ақмаралдың бір ұлы Аян өзінің жанында қазандық машинисі болса, Еркебұланы Астанадағы «Нұрлы жол» вокзалының қызметкері болып ата-анасының кәсібін жалғастыруда. Кез келген адамзат баласы кіммен, қайда жұмыс істесе де оның әр ісінен мейірімділіктің, қамқорлықтың лебі сезілуі керек деген ұстанымды ұстанған кейіпкеріміз жұмыста салмақты маман болса, отбасында мейірім шуағын шашқан отанасы, адал жар.

Жаңалықтар
16.09.2025
Теміржолшылардың қысқы маусымға дайындығы талқыланды
Жүк тасымалы
16.09.2025
Қытай – Қазақстан – Түрікменстан – Иран теміржол дәлізі жанданады
Трансформация
16.09.2025
Жүк тасымалы мен магистральдық желіні біріктіру – уақыт талабы
Аймақтар
16.09.2025
Қысқа әзірлік қарқынды жүргізілуде
Қауіпсіздік
16.09.2025
Екі көпір тұрса да, ерінетіндер көп
Аймақтар
16.09.2025
Әулиеата командасы бас жүлдені жеңіп алды
Қауіпсіздік
16.09.2025
«ҚТЖ»-да еңбек қауіпсіздігі мен экология бойынша үздіктер анықталды
Жаңалықтар / Мұрағат
16.09.2025
Қазақстан теміржолшысы газеті, №75 16 қыркүйек 2025 жыл
Жаңалықтар
15.09.2025
ҚТЖ мен РЖД стратегиялық ынтымақтастық бойынша басым бағыттарды айқындап алды
Әлеумет
15.09.2025
Теміржолшының студент баласына жол ақысы өтеледі
Жүк тасымалы
15.09.2025
Мамыр-қыркүйек аралығында 24 млн тонна көмір тасымалданды
Цифрландыру
15.09.2025
Бейнеу станциясы цифрландыруға көшеді
Станция тынысы
15.09.2025
Теміржолшылардың қажырлы еңбегі: Арал станциясының көрсеткіштері
Аймақтар
15.09.2025
Матай станциясында локомотившілердің демалыс үйі күрделі жөндеуден өтті
Әлемде
15.09.2025
Alstom Польшаға арнап екіқабатты электр пойыздарын жасайды
Әлемде
15.09.2025
Ресей Арктикадағы теміржол желісін дамытуға ниетті
Жаңалықтар
12.09.2025
ҚТЖ-да еңбек қорғау және экология бойынша корпоративтік олимпиаданың жеңімпаздары анықталды
Жаңалықтар
12.09.2025
ҚТЖ сатып алу жүйесіне жасанды интеллект енгізіп, отандық өндірісті қолдайды
Жолаушылар тасымалы
12.09.2025
«Алматы – Мәскеу» бағытында тікелей теміржол қатынасы ашылады
Жаңалықтар
12.09.2025
Өткенге есеп, келешекке міндет