Теміржол тарихы: Тасқала станциясы
Биыл Қазақстан темір жолы 120 жылдық мерейтойын атап өтуде. Осы атаулы датаға орай өткен ғасырдың басында құрылған станциялар жайлы мағлұматтармен бөлісуді жөн көрдік.
Назарларыңызға еліміздің батысында құрылған Тасқала (Шипово) станциясы жайлы мәліметті ұсынамыз.
Тасқала (Шипово) станциясының вокзалы 1893 жылы салынған. Батыс Қазақстан облысы Тасқала ауданында бой көтерген станция ҚТЖ желісіндегі ең көне вокзалдардың бірі саналады.
Станция Рязань-Орал темір жолының Покровская слобода – Орал желісін салу кезінде тұрғызылды. Станцияның бұрынғы атауы Шипово Орал казак әскерінің бұрынғы атаманы Н.Н. Шиповтың құрметіне аталған.
1913 жылғы жағдай бойынша станция негізінен астық жүктерін, шөп пен малды жөнелтіп отырған, ал өзіне ағаш және мұнай өнімдерін қабылдады.
Шипово станциясының атауы Қазақстан Республикасының кейбір теміржол станцияларының атауын және атауларының транскрипциясын өзгерту туралы Қазақстан Республикасы Үкіметінің 2017 жылғы 29 қарашадағы № 787 қаулысына сай Тасқала болып өзгерді.