Теміржолшылар 100 жасқа келген соғыс ардагерін құттықтады
Қызылорда облысы бойынша меншікті тілші
Қызылорда аймағының теміржол басшылары 100 жасқа толған ҰОС ардагері Төлеген Жүнісовты құттықтап барды.
ҰОС ардагері Төлеген Жүнісовты Қызылорда қосалқы бөлім бастығы Батырхан Базарбаев, Қызылорда магистральдық желі бөлімшесінің директоры Ибраким Басықараев, Қызылорда белгі беру және байланыс дистанциясының бастығы Аманкелді Кубенов, дистанцияның кәсіподақ ұйымының төрайымы Ғалия Қожахметова, партияның Теміржол филиалының атқарушы хатшысы Базара Танбаева, Берік Рзалиевтер ардагердің отбасына барып жеңіс мерекесімен құттықтады.
Сонымен қатар Кызылорда сигнализация және байланыс дистанциясында еңбек ететін интернационал-жауынгерлерді құттықтау рәсімі өтті. ШЧ-39 ұжымындағы соғыс ардагерлерімен теңестірілген 2 қызметкерге құрмет көрсетіліп, азық-түлік себеттері берілді. Арыстан Баймурзаев– Ауған соғысына қатысса, Рабит Тасқынбаев – Қарабақ қақтығысын реттеуге қатысқан.
