Владимир Бабиченко жұмыс сапарымен Жамбылда
"Қазақстан теміржолшысы" газетінің Жамбыл облысындағы меншікті тілшісі
«ҚТЖ-Жүк тасымалы» ЖШС бас директорының корпоративтік мәселелер жөніндегі орынбасары Владимир Бабиченко жұмыс сапарымен Жамбыл облысына келді.
Алдымен «Жамбыл ЖТ бөлімшесі» филиалының қызметкерлерімен кездесіп, атқарылып жатқан жұмыстар және алдағы жоспарлармен танысты. Ол «Жамбыл ЖТ бөлімшесі» филиалының ресми түрде қызметке кіріскен жаңа басшысы Айдын Сеитбенбетовті жұмысты бірлесе атқаруға шақырып, жүктелер міндеттерге тоқталды. Астаналық мейман жұмыс сапары кезінде Тараз станциясын аралап, Жамбыл локомотив пайдалану депосына барды.
Биыл Жамбыл локомотив пайдалану депосының ашылғанына 100 жыл толып отыр. Ғасырлық өндірістік тәжірибесі бар депоның теміржол саласының дамуына қосқан үлесі зор. Владимир Бабиченко депоның тыныс-тіршілігімен танысып, қызметкерлермен сөйлесті. Бұдан кейін ол Шу станциясына арнайы барып, ондағы жұмыс барысымен, сондай-ақ Шу локомотив пайдалану депосының тыныс-тірлігімен танысты.
