Жамбылда 69 жиынтық бағыттағыш бұрма темірбетонды негізге ауыстырылды
"Қазақстан теміржолшысы" газетінің Жамбыл облысындағы меншікті тілшісі
Жамбыл магистральдық желі бөлімшесі бойынша жол дистанцияларында 69 жиынтық бағыттағыш бұрма темірбетонды негізге ауыстырылып, жаңартылды.
Осылайша жоспарлы жұмыс толық орындалды. Жамбыл магистральдық желі бөлімшесі директорының бірінші орынбасары Дәулетбек Жолдасбаевтың айтуынша, Шоқпар жол дистанциясы бойынша 12 жиынтық, Сарышағанда 8 жиынтық, Шуда 17 жиынтық, Түлкібаста 10, ал ең көп, яғни 22 жиынтық бағыттағыш бұрма Жамбыл дистанциясы бойынша ауыстырылыпты.
Сонымен қатар бұл аталған жол мекемелерінде жарамсыз бағыттағыш бұрмалардың орнына барлығы 60 жиынтық ескі жарамды бағыттағыш бұрма төселіп, бұл тапсырма да меже үдесінен табылған. Жамбыл магистральдық желі бөлімшесінің басшылығы қолданыстағы түйіспесіз рельстердің жағдайын да назардан тыс қалдырмай отыр.
Мәселен, өткен жылы бөлімшеге қарасты түйіспесіз жолдың 17,8 шақырымына ескі жарамды рельс бунағы төселсе, 10,5 шақырым жолдың рельсі пайдалануға жарамды ескі түрімен алмастырылған.