«Теміржолшылар» скверіне тал екті
"Қазақстан теміржолшысы" газетінің Жамбыл облысындағы меншікті тілшісі
«Таза Қазақстан» республикалық акциясы аясындағы «Таза аула. Таза өлке. Таза ел!» экологиялық науқанына теміржолшылар да белсене қатысуда.
Тараз қаласындағы «Теміржолшылар» скверінде көктемгі абаттандыру, тазалық жұмыстары жүргізілді. Экологиялық науқанда қаладағы 26 түрлі династия өкілдері тазалық жұмыстарына өз үлестерін қосып, тал екті. Оның ішінде 10 – мұғалім, 5 – дәрігер, 11 теміржолшы әулеті болды. Солардың бірі бүгінде үшінші буыны теміржол саласында еңбек етіп келе жатқан Тайбековтер әулетінің өкілдері – Ж.Тайбеков Тараз теміржол көлік және коммуникация колледжінде директордың оқу-өндірістік ісі жөніндегі орынбасары болса, оның жұбайы К.Құнанбаева «Қамқор Локомотив» ЖШС-нің «Тараз локомотив жөндеу депосы» филиалының компрессор операторы болып еңбек етеді.
Акцияға қатысушылар «Теміржолшылар» скверіне 30 дана ағаш көшетін отырғызды.