Мемлекеттік тіл – ұлт тірегі

Аймақтар
23.12.2024, 18:31
Суретті түсірген автор
Сабырхан Сейілбекұлы

Қызылорда облысы бойынша меншікті тілші

Қызылорда магистральдық желі бөлімшесінде «Мемлекеттік тіл – ұлт тірегі» тақырыбындағы сайыс мерекелік іс-шара түрінде өткізіліп, оған теміржолшылардың отбасы мүшелері мен мектеп жасындағы балалары да қатыстырылды.  

Тәуелсіздік, тіл мен діл, салт-дәстүр мен тәлім-тәрбие секілді құндылықтарды насихаттауға бағытталған мерекелік шараны бөлімше басшылығы мен кәсіподақ ұйымының белсенділері ұйымдастырды. Бөлімше директоры Ербол Сәулебеков кіріспе сөз алып, көпшілікті Тәуелсіздік мерекесімен құттықтады. Мемлекеттік тіл мәселесі компанияда кеңінен қолданысқа енгізіліп отырғанын жеткізіп, тілді насихаттау бағытында жүргізіліп жатқан идеологиялық маңызға ие бұқаралық, қоғамдық деңгейдегі шараларға шолу жасалды. 

 

Әрі қарай қазақ тілінің парқын өзгеден артық білемін деген сенімдегі мықтылардың сайысы өтіп, оны бөлімшенің Қазақ тілі қоғамының жауапты маманы Мөлдір Ақышева жүргізді. «Алаш елі», «Толағай», «Қыран», «Арыстан», «Бірлік» деп аталған 5 топ сахнаға шақырылып, төрт кезеңнен тұратын сайыс жеребесі тартылып, қатысушы топтар өз өнерлері мен білімдерін ортаға салды.  

– Сайыстың бағдарламасында отбасылық топтың өзін таныстыруы, балалардың қазақ ақындарының өлеңін мәнерлеп оқуы, жұмбақты шешу, мақал-мәтелді жалғастыру талап етілді. Мұндай сайыс бөлімше бойынша алғаш рет ұйымдастырылғандықтан қызықты әрі тартымды, ғибратқа толы болды. Қызылорда магистральдық желі бөлімшесінің директоры Ербол Тәңірбекұлы, Қорқыт Ата атындағы ҚМУ профессоры Аман Абасилов, Қызылорда жол дистанциясының ардагері Досжан Тәжімұратов қазылық етті. Бәрі әділ өтті деп ойлаймыз, – деді ұйымдастырушылар атынан кәсіподақ ұйымының төрайымы Салтанат Махмутова.

Сайыс түрінде ұйымдастырылған мерекелік іс-шараның бас жүлдесін Қызылорда вокзалынан келген «Қыран» тобын құраушы Анаргүл мен Нұрасыл қанжығаларына байлады. 1-орын Қызылорда сигнал беру және байланыс дистанциясынан келген Фазыл мен Төреәлиге («Арыстан» тобы), 2-орын Қызылорда магистральдық желі бөлімшесінен Нұрлан мен Олжасқа («Алаш елі» тобы) берілді, 3-орынды вокзал шаруашылығынан Жанерке мен Көркемай («Бірлік» тобы) және Қызылорда электрмен жабдықтау дистанциясынан келген Гүлнар мен Айбибі («Толағай» тобы) иеленді.

Сайыс барысында мерекелік шараға белсене қатысқан өзге де қызметкерлерге, балаларға да сыйлық берілді. Сонымен қатар шақырылған қонақтарға, ардагерлерге де сый-сияпат жасалды.    

Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті
Жолаушылар тасымалы
26.08.2025
«Keruen Express» турпойызымен 130-дан астам жолаушы сапарға аттанды