Қызылордада шағын футболдан жарыс ұйымдастырылды

Спорт
24.05.2022, 11:57
Сабырхан Сейілбекұлы

Қызылорда облысы бойынша меншікті тілшісі

«ҚТЖ-ЖТ» ЖШС Қызылорда филиалында кәсіподақ ұйымының бастамасымен аймақ теміржолшылары арасында шағын футболдан турнир болды. «Қазкөліккәсіп» ҚБ Қызылорда филиалының төрағасы Бауыржан Ахметов турнирдің ашылу салтанатында бүгінгі ойынға сақадай сайланып келген 6 командаға жарыс жолында сәттілік тіледі.

Команда ойын алдында екі таймдық крест тәсіліне сәйкес жеребе таңдап, өзара екі топқа бөлініп, таңдау кезегімен ойынды бастап кетті. Қызылорда ЖТ бөлімінің «НОД-ГП-10» мен Қызылорда белгі беру және байланыс дистанцияларының «ШЧ-39» құрамалары арасында басталған ойын нәтижесіз, қақпаға бағытталған доп межеге жетпей жатты. Қос құраманың қарсылас қақпасына дәлдеген доптары нысанадан мүлт кеткенмен қарымта шабуыл алма-кезек қайталанды. Кезектескен шабуылдың нәтижесі «ШЧ-39» құрамасының шабуылшысы Жанарыс Атахановтың қарсылас құраманың қақпасында гол соғуымен аяқталды. Осылайша турнир есебін ашқан дистанциялықтар жүлдеден үміткер екендіктерін білдірді.

Өз тобындағы ойындарда қарсыластарын қапы қалдырған Қызылорда магистральдық желі бөлімшесінің «НЖС-10» командасы да жарады, қарсыластары Қызылорда электрмен жабдықтау дистанциясының «ЭЧ-25» командасын ұтып, жүлделі 3-ші орынға көтерілді. Одан кейінгі ақтық сайыстағы бас жүлде додасына Қызылорда белгі беру және байланыс дистанциясының «ШЧ-39» құрамасы мен Қызылорда локомотив пайдалану депосының «ТЧЭ-34» командасы шықты. Қос команда да барлық айла-тәсілдерін салғанымен екі таймда да есеп ашылған жоқ. Бірнеше тұтқиылдан, күтпеген әрекеттер жасалып, қақпаға бағытталған доп біресе қиыс кетіп, біресе қақпашының қолынан табылып жатты. Ойын соңында қос командадан үш-үштен ойыншы таңдалып, пенальти тебуге тұжырым жасалды. Енді қалай болғанда да бағы жанған құраманың анықталатыны сөзсіз. Айласын асырған «ТЧЭ-34» командасының бағы жанып, қомақты қаржыны қанжығаға байлады, ал «ШЧ-39» құрамасы 2-ші орынды қанағат тұтты.

Ойын барысында үнемі алғы шепте, әдемі ойын өрнегін көрсеткен және қақпасын қызғыштай қорып доп өткізбеген ойыншылар да назардан тыс қалмады: Жанарыс Атаханов – «үздік шабуылшы», Дархан Айқожаев – «үздік қақпашы», Ғазиз Қыстаубаев – «үздік қорғаушы», Есен Қосанов «үздік ойыншы» атанды. Мұнан бөлек ойын барысында әдемі гол салғандар да айрықша құрметке ие болды. Кәсіподақ тарапынан жүлдеге ілінбеген командалар да ынталандыру сыйлығына ие болды.

Шағын футбол турнирі алдағы күндері Қазалы мен Сексеуіл станцияларында да ұйымдастырылатын болады.

Әлеумет
24.06.2022
Қызылордада теміржолшылардың 75 баласы лагерге аттанды
Әлеумет
24.06.2022
Ақтөбеде теміржолшылардың балалары қауіпсіздік туралы сурет салудан бақ сынады
Аймақтар
24.06.2022
Сай-Өтесте полицейлер мен теміржолшылар қылмысқа бірлесе қарсы тұруға уағдаласты
Жаңалықтар
24.06.2022
Семейде рационализаторлық қызметке арналған тренинг өтті
Аймақтар
24.06.2022
Ақтөбелік электрик жасаған трасформаторларды қозғау құралы кеңінен қолданыста
Инфрақұрылым
24.06.2022
Белкөлде бағыттамалық бұрмалар қалпына келтіріліп жатыр
Аймақтар
24.06.2022
Атырауда мұнай экспортының бәсеңдеуі тасымал қарқынына әсер етті
Жаңалықтар
24.06.2022
«ҚТЖ 100 жаңа есім» жобасының қатысушылары астанада бас қосты
Жаңалықтар
24.06.2022
Литва делегациясы еліміздегі құрлық портының жұмысымен танысты
Жолаушылар тасымалы
24.06.2022
Дисконттық карталардың жолаушылар үшін тиімділігі зор
Мұрағат
24.06.2022
«Қазақстан теміржолшысы» газеті, №47 24 маусым 2022 жыл
Жаңалықтар
22.06.2022
Ақтауда пойыыздағы жолаушының жоғалған заты табылды
Спорт
22.06.2022
Nur-Sultan Half Marathon: астанада 24 теміржолшы марафонға қатысты
Жаңалықтар
21.06.2022
Ақтөбедегі өрт сөндірушілер қатерлі мезгілде қырағылықты күшейтті
Жаңалықтар
21.06.2022
Нұрлы жол вокзалында есірткіге қарсы акция ұйымдастырылды
Жаңалықтар
21.06.2022
Атырау машинистері отын үндемдеу тәсілдерін үйренуге кірісті
Инфрақұрылым
21.06.2022
Төретам менДиірментөбе станциялары арасындағы телімдерде реле ауыстырылып жатыр
Аймақтар
21.06.2022
Семейде теміржол тұйықтарын салу өзекті мәселе
Мұрағат
21.06.2022
«Қазақстан теміржолшысы» газеті, №46 21 маусым 2022 жыл
Жүк тасымалы
20.06.2022
Қазақстан мен Ресей арасында жүк пойыздары штаттық режимде жүріп жатыр