Дойбыдан жарыс өтті
«ҚТЖ» ҰК» АҚ Тараз темір жол көлігі оқу орталығының ғимаратында «Қазкөліккәсіп» ҚБ-ның және «Қазақстан темір жолы» ҰК» АҚ-ның мерейтойларына орай дойбыдан жарыс өтті.
Оған Жамбыл теліміндегі темір жол мекемелерінің ардагерлері мен қызметкерлері, бас-аяғы он ойыншы қатысты. Қызықты да тартысты өткен ойын нәтижесінде дойбы шеберлерінің қатарында сала ардагері Виктор Устинов көш бастап, бірінші орынды жеңіп алды. Ал Жамбыл вагон пайдалану депосының вагон қараушысы Андрей Швалев және жоғарыдағы оқу орталығының директоры Тұрсынғали Нұрсейітов екінші және үшінші орындарды өзара бөлісті. Жеңімпаздар бағалы сыйлықтармен марапатталды.
Жамбыл жүк тасымалы бөлімшесінің спорт нұсқаушысы Евгений Тяньнің айтуынша, бөлімшеде әртүрлі спорттық шаралар жиі өтіп тұрады. Оған сала ардагерлері белсенді қатысып, жастарға үлгі-өнеге болуда.