Жамбылдық теміржолшылар дартс пен үстел теннисінен сайысқа түсті
Тараз қаласы бойынша меншікті тілші
Жамбыл бөлшімшесі «Локомотив» спорт клубының спорт нұсқаушылары өздеріне бекітілген күнтізбелік жоспар негізінде жылды қорытындылады, деп хабарлайды Rail-news.kz.
Жыл жабар спорттық шара негізінде – дартс және үстел теннисінен Жамбыл теліміне қарасты теміржол мекемелерінің қызметкерлері арасында жарыс өтті. Дартста мергрендік танытқандар қатарында Жамбыл байланыс және сигнал беру дистанциясының электромеханигі Ержан Ахметов бірінші орынды иеленсе, Тараз оқыту орталығы директорының орынбасары Владимир Белоногов пен осы мекеменің оқытушысы Талғат Тобышақов екінші, үшінші орынды өзара бөлісті.
Ал, үстел теннисінен Тараз оқыту орталығы директорының орынбасары Владимир Белоногов топ жарды, екінші орынды Жамбыл магистральді желі бөлімшесі сатып алу бөлімінің қызметкері Райымбек Мамбетов, Жамбыл байланыс және сигнал беру дистанциясының участок бастығы Асқар Улакулов үшінші орынды иеленді. Барлық жеңімпаздар бағалы және қаржылай сыйлықтармен марапатталды.
«Локомотив» спорт клубының спорт нұсқаушысы Евгений Тяньнің айтуынша, биыл да теміржолшылар спорттық шаралардың ортасынан төбе көрсететін болады. Өйткені, жұмыс жоспары мен күнтізбелік жоспар бекітіліпті.