Жас өрендер арасында шағын футболдан турнир өтті

Спорт
30.07.2023, 17:08
Суретті түсірген Александр Жабчук
Әділет Мұсахаев

"Қазақстан теміржолшысы" газетінің тілшісі

Теміржолшылар күніне орай Астанада «ҚТЖ» ҰК» АҚ-ы қызметкерлерінің балалары арасында шағын-футболдан турнир өтті, деп хабарлайды Rail-news.kz.

Тамыз айының алғашқы жексенбісінде Теміржолшылар күні аталып өтіледі. Сол себепті қазір еліміздің әр түкпірінде осы атаулы күнге орай түрлі іс-шаралар өтіп жатыр. Сондай мерекелік іс-шараның бірі «ҚАЗКӨЛІККӘСІП» ҚБ-і мен ОТЛК ЕРА мекемесінің қолдауымен және Әлеуметтік саясат департаментінің ұйымдастыруымен ел астанасында өтті.  

Бұл күні ауа райы да тым шуақты болды. Таң атысымен ата-аналар болашақ футболшыларды ертіп стадионға жинала бастады. Әр команда сайыс алдында доп теуіп дайындықтарын бір пысықтап алды. Осымен екінші жыл балалар арасында ұйымдастырылып отырған шағын футболға 10-12 жас аралығындағы жеткіншектер қатысты. Барлығы 6 команда, атап айтсақ Хамелион, Астана арландары, Батырлар, Қайрат, Теміржол және Тұлпар, әрқайсысында он футболшыдан.

Турнирдің салтанатты ашылуында еліміздің Әнұраны орындалып, «ҚАЗКӨЛІККӘСІП» ҚБ-нің «Астана» филиалының төрағасы Серік Сәрсекеев алғы сөз сөйледі. Сонымен қатар ойынның бас төрешісі Қажымұрат Есенбеков те сайысқа қатысушыларға сәттілік тілеп, ойынның ережесін түсіндіріп өтті.

Сонымен көпшілік тағаттана күткен қызықты сәт те келіп жетті. Алғашқы болып шаршы алаңға Батырлар мен Хамелион командасы шықты. Жарыстың алғашқы сәтінен бастап Батырлар командасының ойыншылары ширақ қимылдап, басымдықтарын көрсетті. Көп ұзамай алғашқы голды салып үлгерді. Бұл команданың дайындығы жоғары деңгейде екені сырт көзге айқын көрініп тұрды және бүгінгі ойындағы басты фаворит деп танылды. Осылайша бұл ойынды Батырлар командасы 7-0 есебімен айқын ұтып шықты. Көпшіліктің бұл команда жеңімпаз болады деген болжамы тұра келді, финалда Батырлар командасы Қайратпен кездесіп, 3-0 есебімен турнирдің жеңімпазы атанды. Ал, үшінші орынды Тұлпар командасы жеңіп алды.

Бір айта кетерлігі жеңімпаз Батырлар командасы құрамында ойнаған жас өрендердің кейбірі футболмен кәсіби түрде шұғылданады екен. Сондай ойыншылардың бірі Даниял Орал. Ол 2017 жылдан бері Астанадағы «Айбын» командасында футболмен жаттығады. Әкесі Асқар Елібаев баскетболдан  ҚТЖ-ның құрама командасында өнер көрсетеді. Айтуынша, балалары да өзі сияқты спортқа жақын.  

«Ұлым Даниял футболмен кәсіби түрде айналысады. Қазақстанның футболын көтерсек, келешекте еліміздің туын жеңіс тұғырынан көрсете білсек деген ниетпен балаларымды спортпен тұрақты түрде жаттықтырып жүрмін. Ұлым өнер көрсетіп жүрген «Айбын» командасы бұған дейін  Қазақастан чемпионатын ұтты, осы жылы Испанияға барып бірінші орын алды, одан бөлек Орталық Азия елдерінде өткен жарыстарға барып қатысып келді», – дейді Магистральдық желі дирекциясының Қамсыздандыру депаратментінің қызметкері А.Елібаев.  

Әлеуметтік саясат департаментінің бас менеджері Ақмарал Байғабылова сайысқа қатысқан балаларды рандомды таңдау әдісімен жинағандарын айтады. Яғни әр филиал, еншілес ұйымдар мен Орталық аппарат қызметкерлерінің балалары компьютерлік таңдаумен іріктеліп алынған.  

«Жарысқа қатысқан алты команда ойыншыларының формасын алып бердік. Сайысқа дейін оларды компаниямыздың мықты спортшылары дайындады. Әр командаға бір қызметкер жаттықтырушы болып сайланды. Одан бөлек бүгінгі ойынға балаларына қолдау білдіру үшін ата-аналар, апалары келіп отыр. Былтыр Орталық аппаратта жұмыс істеген бір әріптесіміз өмірден өткен еді. Сол қызметкердің баласы да бүгін жарысқа қатысты. Біз қызметкерлерімізді ұмытпаймыз, сол себепті әйеліне хабарласып, баласын ойынға қатысуға шақырдық», – деді бас менеджер.

Жүлделі орын алған команда ойыншылары медаль, дипломмен марапатталып, естелік сыйлықтарға ие болды. Сондай-ақ турнир барысында белсенді ойын көрсеткен футболшылар түрлі аталымдар бойынша марапатталды. Атап айтқанда, үздік қақпашы – Әлмұхамед Әубәкіров, үздік қорғаушы – Ерсұлтан Таңатаров, үздік шабуылдаушы – Әнуар Айсұлтан, үздік ойыншы болып – Әбдулқайыр Айтбай танылды. Үздік ойыншыларға да бағалы сыйлықтар табысталды.  

Жаңалықтар
12.09.2025
ҚТЖ-да еңбек қорғау және экология бойынша корпоративтік олимпиаданың жеңімпаздары анықталды
Жаңалықтар
12.09.2025
ҚТЖ сатып алу жүйесіне жасанды интеллект енгізіп, отандық өндірісті қолдайды
Жолаушылар тасымалы
12.09.2025
«Алматы – Мәскеу» бағытында тікелей теміржол қатынасы ашылады
Жаңалықтар
12.09.2025
Өткенге есеп, келешекке міндет
Қауіпсіздік
12.09.2025
Қауіпсіздік өзіңнен басталады
Жүк тасымалы
12.09.2025
Семейде көмір тасымалы артты
Әлеумет
12.09.2025
ҚТЖ балаларға ерекше қамқорлық көрсетуде
Жаңалықтар / Мұрағат
12.09.2025
Қазақстан теміржолшысы газеті, №74 12 қыркүйек 2025 жыл
Инфрақұрылым
11.09.2025
Қазақстанда 1700 км-ден астам жаңа теміржол салынып жатыр
Жаңалықтар
11.09.2025
ҚТЖ: Алматы облысында Агро-индустриялық паркті дамыту бойынша ынтымақтастық туралы келісімге қол қойылды
Әлеумет
11.09.2025
«Саламатты Қазақстан» пойызы ШҚО-ға келді
Аймақтар
11.09.2025
Абай өлеңдерін оқыды
Жүк тасымалы / Бейнелер
11.09.2025
Қазақстан мен Өзбекстан арасында жаңа бағыт іске қосылды
Жүк тасымалы
11.09.2025
ҚТЖ-да астық тасымалы талқыланды
Жаңалықтар
10.09.2025
Кәсіподақтың XI съезі өтті
Жүк тасымалы
10.09.2025
Қазақстан Вьетнамға бидайды тікелей контейнер ауыстырмай жеткізді
Жолаушылар тасымалы
10.09.2025
ҚТЖ «Voice Beyond Horizon» музыкалық реалити-шоуына арнап пойыз жасақтады
Аймақтар
10.09.2025
Қызылорда теміржолшылары – мемлекеттік тілдің үздік жанашыры
Жүк тасымалы / Инфографика
10.09.2025
8 айда теміржол көлігімен жүк тасымалы 4% өсті
Әлемде
10.09.2025
Мексикада жүк пойызы автобуспен соқтығысты: 10 адам қаза тауып, 60-тан астамы жараланды