Мақат станциясында «Көңілді старт» өтті
Атырау облысы бойынша меншікті тілші
Кәсіби мереке қарсаңында теміржолшылар арасында түрлі көңіл көтеретін шаралар ұйымдастырылуда. Жуырда Мақат станциясында «Көңілді старт» сайысы өтті.
Атырау жүк тасымалы бөлімшесі кәсіподағының қолдауымен және спорт нұсқаушыларының ұйымдастыруымен өткен сайысқа Мақат локомотив пайдалану депосы, Мақат станциясы, Атырау жол дистанциясы және байланыс дистанциясы ұжымдары қатысты. Сайыста теміржолшылардың ерік-күші мен ептілігін сынға салатын түрлі тапсырмалар беріліп, кедергілерден өту, қиын жаттығулар жасау, секіру, жүгіру, т.б. спорттық ойындар ойналып, ерекше қызық та көңілді өткен шара болды. Нәтижесінде 3-ші орынды ШЧ-9, 2-ші орынды ТЧ-4, ал бірінші орынды Мақат станциясының командасы жеңіп алды. Жеңімпаздарға дипломдар мен ақшалай сыйлық табысталды.
