Теміржолшы Алла Строшерер армрестлинг бойынша әлем чемпионы атанды

Алматыда армрестлингтен 44-ші әлем чемпионаты аяқталды, онда теміржолшы Алла Штрошерер сол қолымен күресте алтын, ал оң қолымен күміс жеңіп алды. Спортшыны елордалық әуежайда әріптестері, жанкүйерлері мен БАҚ өкілдері салтанатты түрде қарсы алды.

Бұған дейін «ҚТЖ» ҰК» АҚ қызметкері армрестлингтен Қазақстан чемпионатын жеңіп алып, бірден екі медаль иеленген әлем чемпионатына жолдама алған болатын.

Әлем чемпионатында спортшы 85+ салмақ дәрежесінде өнер көрсетіп, Үндістан өкілін жеңді.

Алла Штрошерер теміржолда 30 жылдан астам уақыт жұмыс істейді. Бүгінгі таңда Солтүстік аймақтық пойыздар қозғалысын басқару орталығының пойыз диспетчері болып жұмыс істейді. Еңбек жолын Қостанай өңірінің Ковыльная станциясынан бастады.

Алланың қоржынында қазірдің өзінде 10 кг жуық түрлі медальдар бар. Спортшы әр түрлі спорттық жарыстарда үнемі өнер көрсетеді, ұлттық компания атынан жарысқа шығады және намысын қорғап келеді. Пауэрлифтингтен және жатып сығымдап көтеру бойынша Азия чемпионы және рекордшысы.

- Мен үшін бұл алға ұмтылған үлкен жетістік. Бұл екі медаль – әлемдегі барлық нәрсеге еңбекпен қол жеткізуге болатындығының айқын дәлелі. Армрестлинг бойынша атақты кәсібилермен күресте жеңіске жету қиын болды. Әрине, бұл жеңіс менің Қазақстанның еңбек сіңірген жаттықтырушысы Еркін Ахметов, туыстарымның, басшылығымның, әріптестерімнің және достарымның қолдауынсыз мүмкін болмас еді. Олардың бәрі де маған сенді және ойдағыдай болды! Енді мен өзіме жаңа мақсат қойдым - екі дүркін әлем чемпионы болу, сондықтан келесі чемпионатқа дайындаламын, - деді Алла жеңісінен кейінгі эмоцияларымен бөлісіп.