Марафон жеңімпаздарына құрмет көрсетілді
«Қазақстан теміржолшысы» газетінің тілшісі
«ҚТЖ-Жүк тасымалы» ЖШС бас директоры Владимир Петров жақында өткен Спартакиада мен «Charity Samruk Marathon-2024» марафонына қатысып, жеңімпаз атанған серіктестік қызметкерлерін арнайы құттықтады.
Аталған жарыстарда теміржолшылар, соның ішінде осы серіктестік мамандары озық нәтиже көрсеткен болатын. Солардың бірі – осы серіктестікте жүк тасымалы үшін есептеу және халықаралық өзара есептеу департаментінің бас менеджері Динара Шаймерденова марафонда жүгіруден 1-орын алса, мүліктік құқықты қорғау департаментінің бас менеджері Гүлмира Сапарғалиева 2-орын алған болатын.
Одан бөлек серіктестік қызметкерлері теміржолшылар арасындағы шағын футболдан UFL-24 спартакиадасына да белсенді түрде қатысты. Бұл жарыста серіктестік командасы 1-орын алып, Кубок иегері атанды. Футболда «Үздік қақпашы» атағын ВЧД-8 вагон қараушысы Едіге Маханов алды. Ал «Үздік ойыншы» атағына Магистральдық желі дирекциясының бас менеджері Әлібек Бейсенбаев ие болды. Бұл спартакиадаға ҚТЖ-ның еншілес ұйымдары мен филиалдарынан 7 команда қатысқан еді.
Солардың бәрінің басын қосып, арнайы құттықтаған серіктестіктің бас директоры оларды грамоталар және ақшалай сыйлықтармен марапаттады.
«Қызметте де, жарыста да тек жетістіктерге жететін әріптестерімізбен мақтанамыз. Спортты серік еткен қызметкерлерімізге алдағы жарыстарда да тек сәттілік пен жеңістер тілеймін!», – деді бас директор.