Қазақстан темір жолының 120 жылдығына орай Таразда спартакиада өтті
"Қазақстан теміржолшысы" газетінің Жамбыл облысындағы меншікті тілшісі
Қазақстан темір жолының 120 жылдығына орай Жамбыл жүк тасымалы бөлімшесіне қарасты мекемелер арасында шағын футболдан спартакиада ұйымдастырылды.
Тараз қаласында өткен жарыста айналмалы жүйе бойынша үздік командалар анықталды. Әсіресе финалдық кездесу тартысқа толы болды. Финалдық ойынға дейін шабылдаушы позициясын ұстанған ВЧД-27 Сарышаған вагон пайдалану депосының қызметкерлері ТЧЭ-30 Шу локомотив пайдалану депосының футболшыларына қарсы матчта қорғаныс тактикасына көшті.
«ТЧЭ-30» командасының финалдық ойында қорғанысқа көшуінің өзіндік себебі бар. Себебі биыл шағын футболдан өткен жарыстарда бұл команда шеберліктерін бірнеше мәрте дәлелдеген. Алайда шулықтар қорғаныс шебін бұзып өтіп, қарсыластарының қақпасынан саңылау таба алды.
Осылайша спартакиаданың кубогы «ТЧЭ-30» командасына бұйырды. Финалға дейін жеткен «ВЧД-27» ойыншылары 2-орынды місе тұтты. «ТЧЭ-31» Жамбыл локомотив пайдалану депосының футболшылары үздік үштікті түйіндеді. – Шағын футбол бұқаралық сипатқа ие екенін айту керек. Теміржолшылар да, басқа сала өкілдері де аймақта шағын футболды жақсы ойнайды, жарыстарға белсенді қатысады. Өткен айда теміржолшылардың салалық кәсіподақ ұйымы шағын футболдан ұйымдастырған тораптық жарыста да командалар арасында бәсеке жоғары болған. Сол жолы жеңіске жеткен «ТЧЭ-30» командасы бүгін де чемпиондық атақтарын қорғап қалды, кіл мықты Шуда болып тұр, – дейді Жамбыл бөлімшесі кәсіподақ ұйымы төрағасының орынбасары Серік Наурызбаев.