Бейнеу теміржолында қол күрестен сайыс өтті
Маңғыстау облысы бойынша меншікті тілші
Алғыс айту күніне орай Маңғыстаудың Бейнеу теміржолында қол күрестен сайыс ұйымдастырылды. Оған сексен келіге дейінгі және одан үлкен салмақтағы бейнеулік теміржолшылар қатысты.
Қорытынды есепте жеңіл салмақтағы қатысушылар арасынан бірінші орын Қуаныш Сабыровке, екінші орын Тұрарбек Өтеповке, үшінші орын Әсет Есенғұловқа бұйырды. Олардың үшеуі де локомотив депосында еңбек етеді.
+80 келі салмақта бірінші орынды вагон қараушы Нұржігіт Мәліков, екінші орынды жол дистанциясынан Бекболат Дүйсенов, үшінші орынды деподан Бақытжан Ходжамуратов еншіледі.
Жарыста Бейнеудегі теміржол мекемелерінен локомотив депосының, Бейнеу станциясының, қалпына келтіру пойызының, ТҚКП, жол дистанциясының жұмысшылары бақ сынасты. Спорттық сайысты Бейнеу теміржолындағы спорт нұсқаушысы Бекзат Нұрәлиев ұйымдастырды.
Жеңімпаздар ақшалай сыйлық және дипломмен марапатталды.
