Теміржолшылар шаршы алаңда
Атырау облысы бойынша меншікті тілші
«ҚТЖ-Жүк тасымалы» ЖШС Атырау филиалы және Магистральдық желі бөлімшесі бір команда құрып, «Қазтеміртранс» АҚ филиалының командасымен шағын футболдан жолдастық кездесу өткізді.
Жарысқа мекеме басшылығымен қатар, басқару аппаратынан еңбек қорғау, қауіпсіздік, азаматтық қорғаныс, логистика инженерлері, экономист, диспетчер, инспектор қатысты. Қос бөлімшенің біріккен командасына еңбекті нормалау технологы Ержан Максимов, ал Қазтеміртранс командасына мекеме есепшісі Нұрболат Бисенғалиев жетекшілік етті.
Қаладағы «RroFootballarena» жабық стадионында өткен жолдастық кездесу барысында 11 адамнан құралған команда мүшелері қақпаға допты дөп тигізуді көздегенімен, не қиыс кетіп, не қақпашы қағып алып бір бірін ала алмай ұзақ арбасты. Сонысымен де ойын тартысты өтті. Әрине, бұл жерде достық жеңгені өзінен-өзі түсінікті. Соңында, команда капитандары құшақ айқастырып тарасты.