Теміржолшы Эльбрус шыңында ҚТЖ туын көтерді
Корреспондент газеты «Қазақстан теміржолшысы»
Теміржол көлігі қызметкерлері күні қарсаңында «Қазақстан темір жолы» ҰК» АҚ Алматы белгі беру және байланыс дистанциясының электромеханигі Досымжан Ерланов Еуропаның ең биік шыңы – Эльбрусқа көтеріліп, Қазақстан Республикасы мен ҚТЖ туларын желбіретті, деп хабарлайды Rail-news.kz.
Ол өзінің шыңды бағындыруын Қазақстан Республикасы Тәуелсіздігінің 35 жылдығына және теміржолға арнады.
Досымжан Ерланов ҚТЖ-да 2022 жылдан бастап жұмыс істейді. Осы уақыт ішінде ол өзін жауапты маман және Компанияның қоғамдық өміріне белсенді қатысушы ретінде көрсетті.
«Мен үшін теміржол – бұл жай ғана мамандық емес, үнемі дамып, жаңа мақсаттарға жету мүмкіндігі. Өндірістегі жұмыс пен қоғамдық қызмет маған жақсырақ болуға және адамдарға пайда әкелуге көмектеседі», – дейді Досымжан Ерланов.
Досымжан – «ҚТЖ-ның 100 жас есімі» жобасының қатысушысы, Компания жастар кадрлық резервінің мүшесі және корпоративтік волонтер. Ол «Еңбекті қорғау жөніндегі үздік техникалық инспектор» атағына ие болды және «Өндірістің үздік жас қызметкері» байқауының өңірлік кезеңінің жеңімпазы атанды.
Спорт оның өмірінде маңызды орын алады. Ол 2024 жылғы скандинавиялық серуендеуден әлем кубогының иегері, ҚТЖ марафондарының жүлдегері, Іле Алатауының 15 шыңын бағындырған алғашқы теміржолшы, UNICEF ресми еріктісі және «Елбасы медалі» жобасы күміс медалінің иегері.