Атырауда спорттық шаралар әлі де жалғасып жатыр
Атырау облысы бойынша меншікті тілші
Атырауда теміржолшылар күні қарсаңында басталған спорттық шаралар әлі де жалғасып жатыр. Жуырда мақаттық теміржолшылар арасында шағын футбол мен үстел теннисінен жарыс өтіп, оған аудандағы теміржол саласының тоғыз командасы қатысты.
Шағын футболдан бақ сынасқандар екі топқа бөлініп, жеңген командалар жүлде жолындағы сайысты әрі қарай жалғастырып отырды. Осылайша, жеңімпаздар іріктелді. Ерекше ойын өрнегімен көзге түскен Мақат локомотив пайдала ну депосынан құралған команда жүлделі бірінші орынды иеленсе, екінші орынды жөндеу депосы командасы еншіледі. Ал, үшінші орында Мақат станциясының командасы көрінді.
Үстел теннисі де тартысты, қызықты өтті, теміржолшылар әбден машықтанған кәсіби теннисшілерден кем түспеді. Мұнда қалпына келтіру пойызы командасы бірінші орынды иеленсе, жол дистанциясы командасы екінші орыннан көрінді. Жөндеу депосының жігіттері үшінші орынды місе тұтты. Барлық жеңімпаздар сый-сыяпатпен марапатталып, арнайы дипломдарға ие болды.