Қызылордалықтар экологиялық акцияларда белсенді

Трансформация
15.02.2022, 18:07
Сабырхан Сейілбекұлы

Қызылорда облысы бойынша меншікті тілші

«ҚТЖ-Жүк тасымалы» компаниясы бойынша өткен жыл «Экологиялық мәдениет жылы» болып жарияланып, аймақтарда экоакция, экомарафон секілді кешенді шаралар өткізілгені мәлім. Қызылордалық теміржолшылар да бұл шарадан тыс қалмады.

Бөлімшеде жыл бойы «Жина да өткіз», «Қалдық-кіріс», «Табиғатты қорға, батарейка өткіз» ұрансөзімен бірнеше акция ұйымдастырды. Соңғысында барлығы 14 тонна қолданылған батарейка өткізілген. Ал екі жүз теміржолшы атсалысқан «ағаш отырғыз» экологиялық акциясы аясында 229 ағаш көшеті, 120 дана гүл өсіріліп, жасыл табиғатқа өз үлестерін қосты.

– Қоршаған ортаны таза ұстап, мекемелерден шығарылатын қалдықтарды арнайы орындарға жеткізу мақатында «Мұстафа», «Болашақ» жеке кәсіпкерлік мекемелерімен келісімшарт жасалған. Жүк тасымалы бөлімі бойынша негізгі шығынның басым бөлігі локомотив пайдалану деполарынан шығарылады, ал жанар-жағармай, дизель төгіліп, бүлінген жерлерге таза жер төсемі төселеді, – деді бөлімшенің экология және өндірістік қауіпсіздік бөлімі маманы Динара Оразалиева.

Табиғи ортаны қорғау қызметіне қатысты қызылордалық (НОД және НЖС бөлімшелерінде) теміржолшылар өткен жылы тұрмыстық қалдықтарды шығару, қоршаған ортаға өндірістік бақылау мониторингі есебі, шығарындыларды аспаптық сынама және күл-қоқыс шығару секілді жұмыстарға 27 өлшем жасалып бөлінген қаржыны толықтай мақсатты игерген.

Сонымен қатар металл сынықтарына радиациялық бақылау жүргізу және экология мәселелері бойынша мамандарды оқыту шаралары да толық орындалған. Ауаға шығарылатын ластағыш заттардың қалдықтарына құзырлы органдар тарапынан өткен жылы 106,92 тоннаға рұқсат берілсе, ол 12 пайызға азайтылыпты, яғни 43,864 тоннаға кеміген.

Себебі бөлімше бойынша табиғи газдың қолданылу көлемі көбеюіне байланысты пайдаланылған көмірдің, сондай-ақ кептірілген құм көлемінің азаюы да әсер еткен. Қолданыстағы техника, құралдарды пайдалану кезінде ауаға бөлінетін газды азайту мақсатында да кешенді жұмыстар қолға алынған. Жылыту қазандығы, пеш секілді стационарлық нысандардан шығатын қалдық өткен жылмен салыстырғанда нысандардың көгілдір отынға көшірілуіне байланысты 5 пайызға кеміген. Автокөлікке жұмсалған жанар-жағармайдың шығынының азаюына байланысты қозғалыстағы көздерден шығатын қалдық 13 пайызға азайған.

Сонымен қатар, өндіріс және тұтыну қалдықтарын қағаз, шыны, пластик, т.т. бөліп, бөлек жинастырудың да пайдалы әсері аз емес екен. Пойызға тиелген жүктің белгілі-белгісіз себептердің әсерінен шашылуы, ағуы секілді факті өткен жылы екі рет орын алған. Оның бірінде тиелген жанармайдың шүмектен ағуы болса, екіншісі дәнекерленген жік жарықшағынан тамшылау тіркелгенмен, оның екеуінде де бөлімше теміржолшыла- рының кінәсі жоқтығы анықталған.

– Әрине, экология жылы жарияланған бір ғана жылмен бұл жұмыс бітпеу керек. Қоршаған орта таза болсын десек, қалдықтан да кіріс табу, үнем, көгалдандыру сынды жұмыстар тұрақты жүргізілуі қалыпты жағдайға айналуы қажет, – дейді экология маманы Динара Оразалиева.
Темір жол тарихы
31.07.2025
Темір жол тарихы жайлы жаңа кітап жарық көрді
Әлеумет
31.07.2025
Ақжолтай пойызға алғыс айтты
Жаңалықтар
31.07.2025
Жыл соңына дейін 175 жаңа жолаушылар вагонын сатып алу жоспарлануда
Жаңалықтар
31.07.2025
Тасымалдау процесін ұйымдастыру дирекциясының қызметкерлері мінсіз еңбегі үшін марапатталды
Аймақтар
31.07.2025
Атырауда вагон доңғалақтарын жинақтау цехы ашылды
ҚТЖ келбеті
31.07.2025
Таңдаулы машинистер тандемі
Жаңалықтар
31.07.2025
Президент «ҚТЖ» ҰК» АҚ басқарма төрағасы Талғат Алдыбергеновті қабылдады
Инфрақұрылым
31.07.2025
Қаракеткен – Қараиірім жол теліміне күрделі жөндеу сәтті аяқталды
ҚТЖ келбеті
31.07.2025
Әр секунд қауіп-қатерге толы
Аймақтар
31.07.2025
Өткел кезекшісінің қырағылығы
Жаңалықтар
30.07.2025
"ҚТЖ" ҰК" АҚ және TCDD Taşimacilik A.Ş. Орта дәлізді дамыту жөнінде келісті
Инфрақұрылым / Әлеумет
30.07.2025
Ірі құрылыс жобалары 12,8 мыңнан астам адамды жұмыспен қамтып, өңірлер экономикасына серпін беруде
ҚТЖ келбеті
30.07.2025
Ерлік емей, немене?!
ҚТЖ келбеті
30.07.2025
Әке жолын жалғаған ұл
ҚТЖ келбеті
30.07.2025
Талабыңа нұр жаусын, Ержан!
Жаңалықтар
30.07.2025
ҚТЖ жүк тасымалының өсуіне байланысты машинист көмекшілерін қабылдауды ұлғайтты
Жолаушылар тасымалы
30.07.2025
«Астана – Бурабай курорты» бағыты бойынша қосымша электр пойызы іске қосылды
Жаңалықтар
30.07.2025
ҚТЖ мен Мерсин халықаралық порты Орта дәлізді дамыту аясындағы ынтымақтастықты талқылады
Жолаушылар тасымалы
29.07.2025
“Алматы-3” теміржол вокзалының құрылысы: Жоба қай кезеңде?
Жаңалықтар / Апта саны
29.07.2025
ҚТЖ-да қозғалыс қауіпсіздігін бұзу 4% қысқарды