Инновациялық шешімдер көш басында

Трансформация
03.06.2019, 15:20
Райхан Рахметова

«Қазақстан теміржолшысы» газетінің тілшісі

«ҚТЖ» ҰК» АҚ трансформация тобының өкілдері Нұр-Сұлтан қаласында өткен SAP NOW Kazakhstan форумына қатысып, корпоративті қосымшалар нарығындағы әлемдік көшбасшы компаниямен бірлесе атқарып жатқан жобалар туралы сөз қозғады. 

ҚТЖ көлік саласындағы көптеген компаниялар секілді өз мақсаттарына заманауи цифрлық технологиялар арқылы қол жеткізуге ұмтылады. Соның бір дәлелі – былтырдан бері аталған компания платформасында жүзеге асып жатқан «Жоспарлаудың біріктірілген жүйесі» атты трансформация бағдарламасы. Форум барысында осы жобаның ұлттық компанияда қалай жүзеге асып жатқаны жайлы «ҚТЖ» ҰК» АҚ Жоспарлаудың біріктірілген жүйесі жобасының жетекшісі Арнұр Кәрібаев пен компанияның қаржылық бақылаушысы Шолпан Омарбекова егжей-тегжейлі айтып берді.

– Біздің алға қойған басты міндеттеріміздің бірі – қызметтің операциялық тиімділігін арттыру. Оның шешімін бизнесті транс формациялау бағдарламасынан көреміз. Бұл бағдарлама аясында 2018 жылы «Жоспарлаудың біріктірілген жүйесі» жобасы іске қосылды. Жоба мақсаты – қысқа мерзімді және орташа мерзімді аралықта сұранысты, өндірістік процестерді болжаудан бастап қаржылық экономикалық көрсеткіштерді бекітуді жоспарлауға дейінгі барлық кезеңдердегі жоспарлау және болжамдау процесін жетілдіру, өндірістік жоспарлауды анықтау. Жоба қазіргі таңда инновациялық компания базасында жүзеге асырылуда. Оған осы компанияның сарапшылары мен кеңесшілері қатысады. ҚТЖ өте үлкен компания, көлемді жүктерді тасымалдайды. Сондықтан бұл тасымалды болжамдау біз үшін жоспарлаудың маңызды факторы болып табылады, – деді өз сөзінде Шолпан Омарбекова.

Оның айтуынша, аталған жоба жоспарлау процестерін автоматтандыруға бағытталған. Болжам жасау үшін үлкен көлемдегі мәліметтер жиналады. Сол бағытта деректерді қолмен жинау процесін болжамдау, оңтайландырудың ІТ құралдарымен және заманауи математикалық модельдермен алмастыру жоспарланған. Болашақта жоспарлау процесіне қатысатын барлық бөлімшелер бір жүйеге біріктірілмек. Сонымен қатар теміржол өкілдері инновациялық шешімдердің бәсекелес ортада көш бастауға жетелейтіні жайында және заманауи технологиялардың арқасында шын мәніндегі интеллектуалды кәсіпорын құруға болатыны туралы өз ойларын айтты.

Өз кезегінде Арнұр Кәрібаев «ҚТЖ» ҰК» АҚ-дағы жүк ағынын интеллектуалды жоспарлау» тақырыбында слайдтарды ұсына отырып, баяндама жасады. Ол Қазақстан теміржолының жалпы табысындағы жүк тасымалының үлесі 80 пайызды құрайтынын және бұл жоба – көлік-логистика саласы үшін тиімді инновациялық шешім екенін мәлімдеді.

– Бұл жүйе корпоративті қолданушыларға кез келген уақытта деректерді пайдаланып, орташа мерзімді жоспарлардың сценарийлік талдауын жасауға және әр түрлі деңгейде инвестициялық мүмкіндіктерді анықтауға жол ашады. Сонымен қатар акционермен коммуникация жасауды жолға қояды, – деді Арнұр Кәрібаев.

Серіктес компанияның шешімдері мен сервистерін әлемде 180 елдегі 413 мыңнан аса клиент қолданады. ҚТЖ биыл SAP Innovatіon world инновациялық жаһандық жүлдесіне қатысып, үздіктер қатарынан көрінген.

Инфрақұрылым
18.07.2025
Сырдария арқылы өтетін жарты шақырымдық теміржол көпірі салынады
Инфрақұрылым
18.07.2025
Елімізде темір жолды жөндеу науқанының жартысы аяқталды
Жүк тасымалы
18.07.2025
Әлеуметтік жүк тасымалы ұлғаюда
Станция тынысы
18.07.2025
Әйтеке би станциясы жартыжылдықты табысты аяқтады
ҚТЖ келбеті
18.07.2025
Қауіпсіздік мәдениетін қалыптастырған инженер
Аймақтар
18.07.2025
Маңғыстау теміржолшыларына біржолғы сыйақы берілді
Қауіпсіздік
18.07.2025
Дала өртімен күрес: Семей теміржолшылары қауіпсіздік шараларын күшейтті
Жаңалықтар / Мұрағат
18.07.2025
Қазақстан теміржолшысы газеті, №54 18 шілде 2025 жыл
Жүк тасымалы
17.07.2025
Ақтау мен Құрық порттарында жүк айналымы өсті
Спорт
17.07.2025
Астанада өткен сайыста теміржолшылар жеңімпаз атанды
Жаңалықтар
17.07.2025
"Тобыл" логистикалық хабының құрылысы бастау алды
Жаңалықтар
17.07.2025
Елімізде теміржол машиналарын жасау 7,1%-ға артты
Жүк тасымалы
17.07.2025
Атырауда мұнай өнімдерінің тасымалы өсті
Инфрақұрылым
17.07.2025
Мойынты – Қызылжар теміржол желісінің құрылысына 10 мердігер ұйым қатысуда
Жаңалықтар
17.07.2025
ҚТЖ локомотив бригадаларының 16 демалыс үйіне күрделі жөндеу жүргізуде
Жаңалықтар / Жолаушылар тасымалы
16.07.2025
Комиссия туристік пойыздардағы заң бұзушылықтарды анықтады
Аймақтар
16.07.2025
Қандыағашта теміржол вокзалы жөнделіп жатыр
Әлемде
16.07.2025
Қытай жүрдек пойыздар желісінің жылдамдығы мен ұзындығын арттыруда
Жүк тасымалы
16.07.2025
Қазақстан бидайы Қытай арқылы Вьетнамға темір жол көлігімен жөнелтілді
Жүк тасымалы
15.07.2025
Қытайдан Әзербайжанға аттанған алғашқы жүк пойызы Қазақстан арқылы өтеді