Өнерліге өріс кең

Новости

08.09.2017, 12:49

«Жолаушылар тасымалы» компаниясында өз ісінің майталмандары ғана емес, өнерді серік еткен жастар жеткілікті. Оның жарқын көрінісін «Жолаушы» деген атпен ән додасына қатысқан топтың екінші орын алғанынан көреміз. Үстіміздегі жылдың наурызында «Қазақстан» телеарнасында «Ән салады мамандар» байқауы өтіп, үш кезеңнен тұратын сайыс үш айдай мерзімді қамтыған еді. Байқауға 27 команда үміткер болып қатысып, бақ сынады.Солардың қатарында «Қазақстан темір жолы» ҰК» АҚ-ның еншілес ұйымы «Жолаушылар тасымалы» АҚ қызметкерлері – орталық жабдықтау бөлімінің бас маманы Раушан Әріп, «Солтүстік» аймақтық филианың есепшісі Русланбек Жиеншораев, «Экспресс» филиалының жолсеріктері Данияр Омаров және Азамат Алдамжаров, топ жетекшісі «Вагонсервис» АҚ техникалық-саясат қызметінің басшысы Бауыржан Қилыбайдан құралған «Жолаушы» тобы да болды. –Біздің Қоғам басшылығына «Ән салады мамандар» байқауы өтетіні туралы хат келіпті. Басшылық тарапынан осы байқауға қатысуға ұсыныс түсті. Біз дайындыққа дереу кірістік. Қоғам қызметкерлері арасында кастинг өткізіп, өнерлі қыз-жігіттерді жинадық. Мақсатымыз бақ сынаумен қатар Ұлттық компания, «Жолаушылар тасымалы» АҚ имиджін көтеру болатын. Осы конкурсқа қатысу барысында теміржолшылар туралы 20 минутты қамтитын бейнеролик түсіріліп, ол байқаудың таныстырылымы барысында көрсетілді, – дейді Бауыржан Қилыбай. Оның айтуынша, байқаудың бірінші және екінші кезеңдерінде қатысушыларға өздеріне ән таңдауға мұрсат берілмепті. Сол себепті олар ұйымдастырушылар ұсынған «Формат» тобының «Махаббат» әнін, сондай-ақ, танымал кәріс әншісінің «Джентельмен» әнін орындап, екі кезеңнен де сүрінбей өткен. Ал финалда «Жолаушы» тобы өз қалауларымен белгілі әнші Батырхан Шөкеновтың «Отан ана» әнін сәтті орындап, екінші орынды иемденіпті. Айта кетерлігі, үшінші орын алған маңғыстаулық «Каспий әуендері» тобының әншілері, ағайынды жігіттердің бірі теміржолшы болса, екіншісі теңіз портының қызметкері екен. Сондықтан олар д ҚТЖ намысын қорғап, мультимодалды компанияның құрама командасы ретінде өнер көрсетіпті.

Өнерліге өріс кең

Читайте также

Газета Қазақстан теміржолшысы, №46 от 16 июня 2026 года