Теміржолшы әулетіне құрмет

Новости

03.10.2017, 11:39

Жексенді күні жылдағы дәстүр бойынша Астанада Еңбек күніне арналған қалалық форум өтіп, оның аясында «Еңбек жолы» қалалық конкурсының «Үздік еңбек әулеті», «Жұмыс істейтін жастардың үздік тәлімгері» және «Өндірістің үздік жас маманы» номинациясы бойынша жеңімпаздар және кәсіптері бойынша үздіктер дипломдармен және бағалы сыйлықтармен марапатталды. Онлайн-дауыс берудің және Астана қаласы әкімдігінің жанындағы «Еңбек жолы» конкурсының жеңімпаздарын анықтау жөніндегі комиссия шешімінің қорытындылары бойынша «Еңбек жолы» конкурсының «Үздік еңбек әулеті» номинациясы бойынша 1 орынды кіл теміржолшылардан құралған Базарбаевтар әулеті иеленді. Бүгінгі таңда теміржол көлігі саласына отбасының 15 мүшесі еңбек етіп жаста, әулеттің жалпы еңбек өтілі - 739 жылды құрайды екен. Даңқты әулеттің өкілі, «ҚТЖ»ҰК»АҚ – Магистральдық желі дирекциясы филиалы техникалық даму департаментінің менеджері, Құрметті теміржолшы Базарбаев Нұрлан Серікханұлына жүлдесін ҚР Праламенті Сенатының депутаты Владимир Редкокашин табыс етті. Әулет шежіресіне үңілсек, оның негізін қалаған Базарбаев Серікхан 1933-1970 жылдар аралығында Жарма жол дистанциясында жолшы болған. Ақсақалдың ұлдары Аманғазы, Жақсылық, Нұрлан, Ержандар әке жолын жалғап, Аягөз, Семей, Алматы, Астанада теміржолшы кәсібін игеріп, ұзақ жыл жемісті еңбек етеді. Ал бүгінде әулеттің үшінші буынынан Серікхан ақсақалдың он немересі болат жолда тер төгуде екен. Бір қызығы Базарбаевтар әулетінің көпшілігі темір жолдың белгі беру және байланыс саласын таңдаған. Еске сала кетсек, үздік еңбек династияларын және өндіріс қызметкерлерін анықтау, жұмысшы мамандықтарын насихаттау және жастарды өндіріс саласына тарту, олардың өз мамандығына дұрыс қарауға тәрбиелеу, көпжылдық жұмысшылар династияларының дәстүрін нығайту мақсатында Қазақстан Республикасы Денсаулық сақтау және әлеуметтік даму Министрлігінің бастамасымен қолға лаынған республикалық «Еңбек жолы» конкурсы қоғамдағы адамның еңбегін, абыройын арттыру жалпыға бірдей еңбек Қоғамын құру идеясы аясында еңбек өнімділігн арттыруды көздейді. Осыған дейін де астаналалық Мұқашевтар, арыстық Жаңабаевтар әулеті аталмыш байқауға қатысып жүлделі орындардан көрінген болатын.

Теміржолшы әулетіне құрмет

Читайте также

Газета «Қазақстан теміржолшысы», №100 от 26 ноября 2024 года