Аңырақай – Қордай: екінші жол қолданыста

Новости

17.10.2017, 15:10

Жамбыл жүк тасымалы бөлімшесі аумағы арқылы өтетін Алматы-1 – Шу теліміндегі Аңырақай – Қордай аралығында 7,9 километрден астам қос жолды жаңа жол пайдалануға берілді. Алматы-1– Шу кешенді темір жолын іске қосу бойынша екінші жолдар құрылысы «ҚТЖ» ҰК» АҚ еңбеккерлерінің күшімен «Нұрлы жол» бағдарламасы аясында жүргізілуде. «Біз ұзындығы 4 км №8 және 3,923 км №9 телімдеріндегі жұмыстарды аяқтап, оларды пайдалануға бердік. Аралықтарының ұзындығы 16,9 км құрайтын Аңырақайдан Қордай станциясына дейінгі телімде жүк және жолаушылар пойыздарының жүруі үшін екі жолды желі қозғалысы ашылды», – деді ұлттық компанияның Ірі жобаларды жүзеге асыру жөніндегі дирекциясы Алматы-1-Шу теліміндегі екінші жолдар құрылысы бойынша басқармасының бастығы Құмбай Байдәулетов. Ол сондай-ақ Қордай станциясы басында 7 бағыттама бұрмасы жаңасымен ауыстырылып жатқанын және бұл жұмыстардың аяқталуға жақын екенін жеткізді. Сонымен қатар Қордай – Отар аралығындағы блок-қосындары аудандарындағы бағыттама бұрмалары бөлшектеніп алынуда. Келесі аптада Құлжабасы станциясын жабу бойынша жұмыстар аяқталмақ. «Сонда ұзындығы шамамен 18,8 км құрайтын Қордайдан Отар станциясына дейінгі аралық та толығымен екі жолды болады», – деп атап өтті Құмбай Байдәулетов. Алматы-1–Шу желісінің барлық ұзындығында 92 км жерге екінші жолдар салынды, құрылысшыларға ендігі қалғаны 21 км жолды іске қосу ғана. Биыл жоба сонымен тәмам болады. Алматы-Шу телімінің екінші жолдарынң жалпы ұзындығы 113 км құрамақ. Еске сала кетсек, өткен жылы Алматы-1 – Шу теліміндегі үш учаскедегі жол берілген болатын. Ал ағымдағы жылы мұндағы құрылыс жұмыстары ел тәуелсіздігі күні қарсаңында толық аяқталмақ. –Алдағы кезеңде өзге де құрылыс учаскелеріндегі жолды пайдалануға беру үшін жұмыс қызу жүріп жатыр. Амандық болса биылғы жылы мұндағы жұмыстар толық аяқталады. Соның нәтижесінде жүк және жолаушылар тасымалында жылдамдықты көтеру, қозғалыс қауіпсіздігін еңсеруде елеулі жұмыстар жүргізілетін болады. Екінші жолдардың пайдалануға берілуіне байланысты телімнің өткізгіштік мүмкіндігі үш еседен астам ұлғайды, сәйкесінше, жүк пойыздарының кезек күту уақыты екі есеге дейін кемітілуде. Осы жол бойынша жобаны жүзеге асыру барысында 49 шақырымнан астам басты жолдар салынбақ. Бұл аталған телімнің өткізгіштік қабілетін тәулігіне 68 жұп пойыз өткізуге дейін ұлғайта түседі. Жолдың учаскеге тікелей тартылған бөлігінде жолаушылар пойызының қозғалыс жылдамдығы сағатына – 140, ал жүк пойыздары үшін – 120 шақырымды құрайды, – дейді Жамбыл магистральдық желі бөлімшесінің директоры Қайрат Сазаев.

Аңырақай – Қордай: екінші жол қолданыста

Читайте также

Газета Қазақстан теміржолшысы, №34-35 от 01 мая 2026 года