Балтық жағалауындағы кеңес

Новости

20.10.2017, 10:01

Қазанның 19-20 күндері Латвия астанасы Ригада Достастыққа қатысушы-елдердің темір жол көлігі бойынша Кеңесінің 67-ші отырысы өтуде. Оған Кеңес мүшелері қатарындағы Ресей, Қазақстан, Әзербайжан, Армения, Беларусь, Қырғыз, Молдова, Тәжікстан, Түрікменстан, Өзбекстан, Украина елдерінің темір жол басшыларымен қатар, қауымдастырылған мүше елдер Болгария, Грузия, Латвия, Финляндия, Литва, Эстония темір жол әкімшіліктерінің жетекшілері де қатысуда. Кеңес отырысына Латвия темір жолдарының басшысы Эдвин Берзиньш жетекшілік етіп, күн тәртібінде 12 мәселе қаралуда. Бірінші кезекте, кеңестің 66-шы отырысында қабылданған шешімдердің орындалуы мен 2017 жылдың 9 айындағы темір жол желілерінің пайдалану қызметінің қорытындысы қаралса, бұдан кейін халықаралық қатынастағы жолаушылар кешенінің биылғы 9 айдағы жұмысы қорытындыланды. Сонымен қатар күн тәртібінде пойыздар қозғалысы кестесін дайындау нәтижелері, 2017/2018 жылдарға арналған халықаралық қатынастағы контейнерлермен бірге вагондарды жасақтау жоспары, 2017 жылдың сегіз айында темір жол әкімшіліктері арасында өзара есеп айырысу жағдайы, 2018 жылға арналған халықаралық қатынастағы жүк тасымалын жүзеге асыратын темір жолдардың тарифтік саясаты, тағысын тағы мәселелер қаралды. Кеңес отырысында Достастыққа қатысушы елдердің Темір жол көлігі кеңесі дирекциясының төрағасы Петр Кучеренко баяндама жасап, ол үстіміздегі жылдың 9 айындағы темір жол желілерінің пайдалану қызметінің нәтижелері туралы мәлімдеді. Оның айтуынша, жыл басынан бері темір жол желісімен 1 млрд 485 млн тонна жүк тасымалданып, бұл көрсеткіш өткен жылға қарағанда 41,7 млн тоннаға немесе 3,3 пайызға артқан. Жалпы вагон айналымы 13,53 тәулікті құрап, нормативке шаққанда 0,27 тәуліккке жылдамдатылған. Контейнердегі жүк тасымалы да 14 пайызға өскен. Дирекция төрағасы темір жол әкімшіліктерінің халықаралық жолаушы қатынасындағы өткен жыл көрсеткішін биыл тоғыз айда сақтап қала алмаған айта келіп, үстіміздегі жылы 10,5 млн жолаушы тасымалданса, былтыр үш тоқсанда бұл көрсеткіш деңгейі 10,8 млн жолаушыны құрағанын жеткізді. Сонымен қатар Петр Кучеренко вагон шаруашылығына қатысты комиссия жұмысына тоқтала отырып, Кеңес жұмыс істеген уақыттан бері жүк вагондарын пайдалануға, техникалық қызмет көрсетіліміне және өндірісіне қатысты бірыңғай талаптар әзірленгенін, ол өз кезегінде жүк вагондарының «1520 кеңістігіндегі» халықаралық қатынаста кедергісіз жүріп тұруына мүмкіндік беріп отырғанын атап өтті.

Балтық жағалауындағы кеңес

Читайте также

Газета Қазақстан теміржолшысы, №41 от 29 мая 2026 года