Манкентте тасымал артқан

Новости
18.05.2016, 16:12
Шымкент жол бөлімшесіне қарасты  жолаушылар және жүк тасымалына қызмет ететін бекеттің бірі ­– Манкент. Екінші класты станциялар қатарына енген жылдан аса уақыт ішінде бекетте тасымал арта түскен. Станция бастығының орынбасары Асхат Ақбердінің айтуынша, мәртебесі жоғарылағалы станцияда маман саны да толыққан. –Бүгінде бес станция кезекшісі, бес пойыз құрастырушы, жеті жүк қабылдап-жөнелтуші, екі тауар кассирі және жұмысшылар бар. Өткен жылы осы 23 маманның қажырлы еңбегінің арқасында 1401 вагонға жүк тиеліп, 7732 вагоннан жүк түсірілді. Бұл төңіректе бекеттің жүк айналымын дөңгелетіп отырған ұн артатын «Асыл LTD» наубайханасы орналасқан. Өткен жыл ішінде осы жерден ай сайын 100 вагонға ұн тиеліп Өзбек ағайындарға жіберіліп тұрды. Бір жылдан бері «STRATUS-Oil» ЖШС айына 5000 тонна, яғни 80 вагон мұнай өнімдерін Қырғыз еліне жөнелтуде. Аталған компания мұнай құятын 24 құрылғысы арқылы 12 вагонға  жанармай артса, кейінгі 12 вагонға мазут құяды, – дейді Асхат Ақберді. Бүгінде бекеттегі 28 кірме жолдың бесеуі уақытша бос тұрғанымен, қалғанында үздіксіз жүк тиеліп-түсіру операциялары жүргізілуде. «STRATUS-Oil» ЖШС жүк жөнелтушілердің қатарына енгелі бері жүк айналымы ұлғайған. Байқағанымыздай,  манкенттіктер жүк тиеуден бұрын көбірек түсіреді екен. Оның ішінде жиі келетіні –   малға беретін кебек жем. Сайрам ауданындағы Қарабұлақ ауылының тұрғындары   негізінен қала халқын етпен қамтитындықтан, уақ малды көп асырайды. Кебекке  де тапсырыс беретін осы малшы қауым. Биылғы жылдың үш айында 414 вагонға жүк тиелсе, 2069 вагоннан жүк түсірілген, соның 250 вагоны мал азығы. Одан бөлек қаладағы бірқатар жанармай құю бекеттерін толықтырып отыратын «Helios», «Олимп» ЖШС-де Манкентте орналасқан. Бұларға орманды өлкеден Аи-80, Аи-92 жанармай келіп, бекетке түсіріледі. Суармалы өңір болса да,  бақша дақылдары өзге аймақтарға жөнелтілмейді. Тек жаздағы науқан кезінде қызанақ пен қияр, аракідік тәтті шырындар, консерві тағамдары жіберілетін көрінеді. Бекет көрсеткішінің көңілдегідей болуына қашанда қарапайым теміржолшылар үлес қосады. Манкентте жастығын өткізгендердің арасында Ермек Қоңқабаев, Жарылқап Бектұрғанов, Дэкова Светланалардың ізін кейінгі буында Нигара Рүстемқызы,  Дәурен Раушанбекұлы, Төреғали Бейсенбаевтар басып келеді. Дүйсенбіде әдеттегідей станция бастығы Әлимахан Исаханов осындағы айналым жол шебері Нұржан Әбдірайымов, байланыс торабына жауапты Камал Ахматқұлов, аға вагон қараушы Нұржан Байділдаев сынды әріптестерімен бас қосып, өткен  аптадағы атқарылған жұмыстар легін қорытындылап, алдағы аптаға жоспар түзіледі. Бірлесіп қауіпсіз, сапалы жұмыс атқаруға кіріседі. Манкент – күре жолдың бойындағы бекет болғандықтан, тәулігіне отыздан аса жолаушылар пойызы аялдайды. Бекеттегі тоғыз жолдың екеуі жолаушы пойыздарына арналған басты жол, қалғандары жүк тасымалына қызмет көрсетеді.  арналған. Станция ғимараты төрт жыл бұрын күрделі жөндеуден өтіпті. Бекет маңайына әлі қоршау жүргізілмеген. Алайда, екі арасы 150 метрдей жерде екі аспалы көпір бар. Бірақ Асхат Сәрсенұлының айтуынша, халық қызметтік өткелден өтуге дағдыланған. Оның айғағы, станция аумағында соңғы жылдары бақытсыз жағдайлар орын алмапты.

Динара БАЛҚЫБЕКОВА, Манкент

Новости
29.08.2025
«PRO//Движение.Экспо»: лидерам отрасли представили инновации и новые проекты
Новости
29.08.2025
Более 96 тысяч железнодорожников приняли участие в отчетно-выборной кампании профсоюза
Регионы
29.08.2025
Итоги отчетно-выборной кампании профсоюза железнодорожников подвели в Караганде
Социум
29.08.2025
Железнодорожники могут получить выходной на первый звонок и выпускной детей
Инфраструктура
29.08.2025
Первый стрелочный перевод уложен на перегоне Сарыагаш – Дарбаза
Новости / Архив
29.08.2025
Газета Қазақстан теміржолшысы, №70 от 29 августа 2025 года
Новости
28.08.2025
KTZ Express приступит к строительству 6 современных морских судов
Регионы
28.08.2025
Около 100 школьников стали участниками проекта «Железная дорога глазами детей» в Караганде
Регионы
28.08.2025
«Дорога в школу»: в Екибастузской дистанции пути поддержали 117 детей железнодорожников
Новости
28.08.2025
КТЖ обсуждает возможность совместных проектов с ведущими логистическими компаниями Сычуаня и Чэнду
Регионы
27.08.2025
Дорожный мастер Сейтжан Касенов предотвратил угрозу движению поезда
Новости
27.08.2025
Создание совместных сухих портов обсуждают КТЖ и Сычуань
Регионы
27.08.2025
Ревизоры подвели итоги работы за семь месяцев в Алматинском регионе
Новости
27.08.2025
Министр энергетики рассказал о подготовке к отопительному сезону
Новости
27.08.2025
Дорожную карту сотрудничества готовят Казахстан и СУАР
Регионы
27.08.2025
О борьбе с выходом бродячего скота на ж/д пути рассказали в Костанайском регионе
Пассажирские перевозки
26.08.2025
Более 130 пассажиров отправились в путешествие на турпоезде «Keruen Express»
Новости
26.08.2025
КТЖ и CRRC обсудили стратегическое партнерство в локомотивостроении
Регионы
26.08.2025
О своевременной закупке угля к зиме напомнили карагандинцам
Регионы
26.08.2025
Железнодорожники обсудили охрану труда и экологические стандарты на семинаре в Усть-Каменогорске