Екінші жол екінші тынысымызды ашуда

Интервью
10.10.2017, 14:26

Еліміздің темір жол желісі арқылы жүк пойыздары ТМД елдеріне ғана емес,  Еуропа, Азияға да жол тартып, қазір транзиттік әлеуетті дамытуға айрықша көңіл бөлінген. «ҚТЖ» ҰК» АҚ-ның ел аймақтарындағы филиалдары тонның ішкі бауындай, бір-бірімен қабыса жұмыс істеп, ел экономикасын көтеру жолында  еңбек көрігін қыздыруда. Солардың қатарында 12 мыңнан аса адам еңбек ететін «ҚТЖ-Жүк тасымалы» АҚ-на қарасты Жамбыл жүк тасымалы бөлімшесі де бар. Іргесін 1947 жылы Түрксіб теміржолы құрамында көтеріп, бүгінде 61 станцияның жұмысын бақылауға алып, үйлестіріп отырған бөлімшенің қызмет көрсету ауқымы  1224 шақырымды қамтыса, соның 926 шақырымы электрлендірілген. Қарағанды,  Алматы, Шымкент, сондай-ақ, Қырғыз республикасы теміржол бөлімшелерімен шектесетін бөлімше директоры Берік Ақшаловты әңгімеге тартып, өңір теміржолының тыныс-тірлігі, көрсеткіші туралы білген едік. –  Берік Сағымбекұлы, бүгінде жамбылдық теміржолшылардың алдына қандай міндет қойылып, қай бағытта жұмыс істеп жатыр? Таяу арада қандай жобаларды жүзеге асыру жоспарда бар? – Біздің басты міндетіміз  тасымал қызметінің табыстылығын және пойыздар қозғалысы мен еңбек қорғау қауіпсіздігін сақтау, сонымен  бірге теміржол көлігін тиімді пайдалану.  Осы міндеттер әрдайым өзекті. Ал жобаларға келсек, бірінші кезекте «Нұрлы жол» мемлекеттік бағдарламасының орны ерек екенін еске салып өтпекпін. Бұл бағдарлама өңір инфрақұрылымдарының дамытылуына оң серпін беріп отыр. Мемлекет басшысы биылғы жолдауында «Жаңа еуразиялық логистикалық инфрақұрылымды дамыту – басты бағыттардың бірі. Оған қазірдің өзінде қомақты инвестиция жұмсалды. Енді одан экономикалық қайтарым ала бастау қажет» деп атап көрсеткенін білесіз. Шынында, қазір еліміздің транзиттік әлеуетін арттыру және отандық экспортты жаңа сапалы деңгейге жеткізу мақсатында ауқымды инфрақұрылымдық жобалар жүзеге асырылуда. Өңіріміздегі Шу – Алматы темір жол теліміндегі  екінші жолдар құрылысының жүргізілуі соның бір айғағы. Екінші жолдардың пайдалануға берілуіне байланысты телімнің өткізгіштік мүмкіндігі үш еседен астам ұлғайды, сәйкесінше, жүк пойыздарының кезек күту уақыты екі есеге дейін кемітілуде. Осы жол бойынша жобаны жүзеге асыру барысында 49 шақырымнан астам басты жолдар салынбақ. Бұл аталған телімнің өткізгіштік қабілетін тәулігіне 68 жұп пойыз өткізуге дейін ұлғайта түседі.  Жолдың учаскеге тікелей тартылған бөлігінде жолаушылар пойызының қозғалыс жылдамдығы сағатына – 140, ал жүк пойыздары үшін  – 120 шақырымды құрайды.  Жол құрылысы биылғы жылдың екінші жартыжылдығында өзінің мәресіне жетпек. Жалпы Шу – Алматы-1 темір жол телімі бойынша шамамен 39 миллиард теңге көлемінде қаражат игерілетін болады. Бүгінгі таңда  Шу – Отар телімінде үш секциялы ВЛ80С электровозы пайдаланылуда. Шу – Отар темір жол телімінде екінші жолдардың құрылысы толығымен аяқталғаннан кейін,  2018 жылы KZ8AT сериялы электровоздарды пайдалануға беру есебінен Шу – Алматы-1 теліміндегі пойыздарға қызмет көрсететін  кепілдік қапталын ұзарту жоспарлануда.  Екінші жолдарды іске қосуға және участокты оңтайландыруға байланысты пойыздардың өткізгіштік мүмкіндігі жақсара түспек. Вагон айналымы да ұлғаяды, сонымен қатар, KZ8AT сериялы электровоздар іске қосылған кезде пойыздардың салмағын 3600 тоннадан  4500 тоннаға дейін жоғарылату көзделіп отыр. Қазіргі таңда Мойынты –Шу телімінде аталған локомотивтерді пайдалану арқылы 7000 тоннаға дейінгі салмақтағы пойыздардың өткізілуі жүзеге асырылуда. – Бәрекелді, тың жұмыстарда табыс тілейміз! Енді әңгімемізді қазіргі қаржылық қиыншылық жағдайында жүк айналымына қатысты меженің орындалу көрсеткішіне қарай ойыстырсақ. Бұл бағыттағы шаруа қалай болып жатыр? – Құдайға шүкір, көрсеткішіміз көтеріңкі. Биыл 9 айда жүк айналымы  11273,8 миллион текше метр ткм нетто көлемін құрады, сөйтіп, жоспар  104,7 пайызға орындалды. Жүк тасымалы бойынша жоспар 111,9 пайыз көлемінде орындалды. Яғни 3 миллион 109 мың тоннаның орнына,  3 миллион 478 мың 25 тоннна жүк тасымалданды. Бұл жоспардағыдан 369 мың 25 тоннаға артық.  Жоспарға сәйкес  47080 вагон орнына 52398 вагон жүк тасымалданды. Мұндай жетістікке біз  өңірдегі негізгі жүк жөнелтушілермен  кездесіп, жүк тасымалдау көлемін ұлғайтуға қатысты, сондай-ақ, облыс әкімдігінің кәсіпкерлік және индустириалды- инновациялық дамыту басқармасы мен «Атамекен» ұлттық кәсіпкерлер палатасы өкілдерінің қатысуымен семинарлар өткізу арқасында қол жеткіздік. «Қалауын тапса, қар жанар» демекші, жүк жөнелтушілерді тарту мақсатында мерзімді басылымдарда насихаттық түсіндіру жұмыстарын белсенді жүргіздік. Соның нәтижесінде 204 вагон немесе 12362 тонна жүк тасымалданып, қосымша  30338880 теңге табыс түсті. Тұтастай алғанда, жүк тасымалдаудан түскен табыс  8,815 миллиард теңгеден асты. Бұл 2016 жылдың сәйкес мерзімімен салыстырғанда, 15 пайызға артық. 2017 жылдың екінші жартыжылдығында жүк тасымалы көлемін  276,0 мың тоннаға ұлғайтамыз деп жоспарлап отырмыз. Бұл істе «ЕуроХим Қаратау» «ЖЦПК», «WTRADING», «Қазфосфат», «АCIG», «Кнауф гипс» жауапкершілігі шектеулі серіктестіктерінің қосар үлесі бұрынғыдан да мол болады деп күтілуде. Өңіріміздің өндірістік аймаққа айналуы осылай сала ісін жаңа сатыға көтеріп отыр. –  Пойыздар қозғалысы қауіпсіздігі мен тасымалданатын жүктер деңгейін  сақтау  үшін қандай жұмыстар жүргізілуде? – Біз технологиялардың мейлінше дамыған кезеңінде өмір сүрудеміз. Бүгінде бұдан бес жыл бұрынғы  технологиялардың уақыт талабына сәйкес келмей, қатардан шығып қалуы да ғажап емес. Әсіресе, бұл ақпараттық технологияларға байланысты. Ал темір жол көлігі саласында жаңашыл технологиялар көптеп енгізілуде. Соның арқасында локомотивтердің әлеуеті, құрамдардың жүк тасымалдау жылдамдығы, салмағы жылдан жылға арту үстінде. Бұл  машинистерге ғана емес, қозғалыс қауіпсіздігін қамтамасыз етуге жауапты барлық теміржолшыға айрықша талап қойып, жауапкершілік жүктейді. Осы орайда, біз бөлімше еңбеккерлерінің талап үдесінен табылуы үшін кәсіби білім-біліктіліктерін арттыруға мүдделілік танытып отырмыз. Әр адам өз ісін бес саусағындай меңгеріп, адал еңбек еткенде ғана қауіпсіздік техникасы сақталып, жұмыс та алға баса бермек. Әңгімеңізге рахмет!

Ерман ӘБДИЕВ, Жамбыл

 
Новости
25.07.2025
Кедентранссервис отправило 500 контейнерных поездов с агропродукцией в Китай
Регионы
25.07.2025
Акцию «Железная дорога глазами детей» провели в Караганде
Новости
25.07.2025
Железнодорожники напомнили правила безопасного проезда через переезды 44 тыс. водителей
Регионы
25.07.2025
Алматинское и Достыкское депо предъявили к осмотру 58 тысяч поездов
Новости
25.07.2025
КПП Хоргос увеличил перевозки до 22,2 млн тонн
Новости / Архив
25.07.2025
Газета Қазақстан теміржолшысы, №56 от 25 июля 2025 года
Новости
24.07.2025
Эстония и Латвия могут стать транзитными узлами для казахстанского зерна
Спорт
24.07.2025
Турнир по настольному теннису среди железнодорожников прошёл в Астане
Пассажирские перевозки
24.07.2025
Электропоезд «Астана – Павлодар» изменил расписание
Новости
24.07.2025
Министр энергетики поручил КТЖ обеспечить бесперебойную логистику угля в отопительный сезон
Новости
24.07.2025
Транспортная полиция выявила около 48 тысяч правонарушений
Регионы
24.07.2025
Более 7 тысяч пациентов получили помощь специалистов поезда «Саламатты Қазақстан» в ЗКО
Регионы
24.07.2025
Более 12 тысяч контейнеров погружено в Костанайском регионе
Пассажирские перевозки
23.07.2025
Более 150 железнодорожных пассажирских маршрута курсируют в Казахстане
Новости
23.07.2025
ЕАЭС расширяет цифровые грузоперевозки: в 2025 подключат новые направления
Новости
23.07.2025
О работе по предотвращению несчастных случаев на железной дороге рассказали в КТЖ
Инфраструктура
23.07.2025
На участке Алтынколь – Жетыген отсыпано 975 тысяч кубометров земляного полотна
Новости
23.07.2025
Первый контейнерный поезд отправлен по маршруту ТМТМ из провинции Шаньси в Азербайджан
Регионы
22.07.2025
Итоги работы за первое полугодие 2025 года подвели в РЦУП-2
Новости
22.07.2025
Сотрудничество Казахстана и Грузии в сфере транспорта и логистики обсудили в КТЖ