Техникалық саясат тиімділігігі

Новости

08.08.2017, 09:39

2 мин чтения

Соңғы жылдары ұлттық компания негізгі өндірістік активтерін жаңартып, локомотивтер мен жүк және жолаушылар вагондарының жаңа серияларын енгізді, сонымен қатар жаңа темір жол желілері мен инфрақұрылым нысандары салынды. Міне, осының бәрі Компанияның техникалық саясатының концепциялары арқылы инженерлік-техникалық блоктың басымдық беретін міндеттерін анықтап берді. Компанияның техникалық саясат және реттеу департаментінің директоры Талғат Қанатбаевтың айтуынша, қоғамның техникалық саясаты концепциясының басты мақсаты – техникалық қайта жарақтандырудың негізгі бағыттарын анықтау. –Соның ішінде жылжымалы құрам бойынша саясат техникалық пайдалану ережелері мен Кедендік одақтың техникалық регламентінің міндетті талаптарын орындау негізінде жүзеге асады. Ал тартқыш жылжымалы құрамға келсек, болашақта локомотив паркі асинхронды жетек арқылы, ал жүк вагондары паркі техникалық жылдамдықты қамтамасыз ететін жетілдірілген түрлерімен жаңартылмақ. Вагондардың жүк көтергіштігі арттырылып, біліктілік күші 25 тоннаға жеткізілмек. Инфрақұрылым бойынша саясат мақсаты – бекітілген қозғалыс жылдамдығы арқылы пойыздардың қауіпсіз және үздіксіз жүруін қамтамасыз ету, – дейді ол. Телемеханика мен байланыс автоматикасы кешені бойынша қазіргі орталықтандырылған жүйе көп функционалды кешенге ауыстырылмақ, радиобайланыс пен мәліметтер жөнелтудің сандық стандарттары негізінде пойыздар қозғалысын басқарудың икемді жүйесі енгізілетін болады. Ал электрмен жабдықтау және байланыс жөнінен тартқыш қосалқы станциялардың қазіргі заманғы тоқтаусыз коммутациялық аппараттармен ауыстырып, автоматика мен байланыс желісін жаңғырту, энергия сыйымдылығы төмен жүйені қолдана отырып жаңарту көзделуде. Вокзал кешені үшін жолаушыларға сапалы қызмет көрсетудің жаңа стандарттары енгізіліп, вокзал инфрақұрылымы қызметтерді тұтынушылардың кешенді қауіпсіздігін қамтамасыз ете отырып дамытылмақ. Өндірістік активтерді басқарудың бірыңғай стратегиясын анықтап, шығындар арасындағы оңтайлы ара салмақты табу, автивтерге нормативтік талаптарды сақтау – осы бағыттағы саясат мақсаты. Ал инновация мен білімді басқару саясатын жүзеге асыру үшін сандық кітапхана құру, кітап қорын жаңарту, корпоративті талдау, техникалық-экономикалық басылымдарды дамыту, рационализаторлық және өнертапқыштық қызметті ұйымдастыру, ғылыми-зерттеу және тәжірибелік конструкторлық жұмыс жүргізу жұмыстары жасалмақ. Жалпы алғанда компанияның техникалық саясатын жүзеге асыру мақсатында желілік және аймақтық деңгейдегі техникалық кеңестер жұмыс жасауда. Концепция міндеттерін орындау ел теміржолының дамуына оң әсер етіп, көліктік-логистикалық қызмет көрсетуде бірыңғай технологиялық үдерістер тиімділігін айтарлықтай арттыратын болады.

Техникалық саясат тиімділігігі

Читайте также

Сейчас читают