Жүрек қалауы

Новости

05.09.2017, 18:36

2 мин чтения

... Қызылорда бекетінен жүгіре басып жүргелі тұрған пойызға мініп үлгерген бойжеткен вагондағы орнын келіп жайғасқан соң да біраз уақыт тиыныштала алмай айналасына қарап алаңдаумен болды. Арманы мен қиялына қанат біткен жас қыздың жүрегі пойыздың дүрсілімен қатар соққандай... талай жыл арманына айналған ару Алматыны көретініне сенер сенбесін білмейтіндей. Кеудесін кернеген қуанышымен қатар қалып бара жатқан туған қаласын да кимай терезеден сыртқа зер салған. Қарсы бетте өзіне сүйсініп қарап отырған әйел кісіні байқап ұялып қалды. Бойжеткен сол жылы жүзді бейтаныс жанның тағдырына ықпал ететін ол кезде сезген жоқ... Бақытгүл Боранбаеваның пойызда танысқан сол апайы Алматы -2 станциясында кадр бөлімінің бастығы Зоя Мусанова болатын. Жол бойы әңгіме дүкен құрған екеу лезде тіл табысты. Теміржолшы кәсібінің қыры мен сырына қанықтырған апайының кеңесімен Бақытгүл Алматы темір жол институтына құжат тапсырып, оқуға түсіп кетеді. Табиғатынан пысық әрі еңбекқор Бақытгүл оқу оқып жүріп, тәжірибесін де ұштастырады. Еңбек жолын Алматы станцияда пойыз қабылдаушы болып бастап, пойыз жөнелтуші багаж және жүк қабылдап- өткізуші, заттарды іздестіру бөлімінде з диспетчер, вокзал кезекшісі сынды қозғалыс саласының барлық қызметінде тәжірибе жинайды. Арқа сүйер азаматы да теміржолшы болып жолығып, от басын құрған Бақытгүл Қуанқызы салада табаны күректей 40 жыл еңбек етеді. Теміржолшы кәсібі өзінің жүрек қалауы болғанын айтады. Талай ыстықты да, суықты да бастанк ешсе де өз кәсібін сүйген жан ешқашан өкінген емес. –Теміржолға келіп өзіме жанашыр жандар, жақсы жар, ұл менен қыз, ұйымшыл ұжым, соңымнан ерген шәкірттер таптым. Теміржолдың арқасында еш қиындық көрмедім. Алматы шаһарынан үйлі болдық. Қырық жылдық тәжірибемнен ұққаным, теміржол барда – тіршілік бар! Сондықтан жастарға айтарым, саланың темір тәртібіне мойынсұнып жалықпай еңбек етіңдер, арман-мақсаттарыңа жетесіңдер, – деп ақыл айтады теміржолшы мамандығын таңдаған жастарға.

Жүрек қалауы

Читайте также

Сейчас читают