20 жылдық белес

Новости

03.11.2017, 10:26

Астанада «Қазақстан темір жолы» ұлттық компаниясы мен Қазақстанның ұлттық экспедиторлар қауымдастығының 20 жылдығына арналған ғылыми-тәжірибелік конференция өтті. Маңызды шарада еліміздің экономикасы мен темір жолын дамыту үшін көліктік-логистикалық ұйымдар және бизнестің, мемлекеттің күшін біріктіру туралы кеңінен сөз болды. Жиынды ашқан «Kazlogistics» ҚКО төрағасының орынбасары Юрий Лавриненко екі компанияны мерейтойымен құттықтап, мемлекеттік органдар, темір жол және бизнестің күшін біріктіру – бүгінгі күннің басты даму бағыты болып отырғанын жеткізді. «ҚТЖ» ҰК» АҚ президенті Қанат Алпысбаев өзінің «ҚР халықаралық байланыстарды кеңейту және транзиттік-көліктік әлеуетті жүзеге асыру бойынша алдағы 10 жылдыққа міндеттер мен үндеулер» атты баяндамасында компания тарихының ең негізгі атаулы күндеріне тоқталды. Атап айтқанда, 1997 жылдан бастап компания бүгінге дейін темір жолдың бытыраңқы кезінен қазіргі заманғы мықты компанияға айналғанға дейінгі аралығында ұзақ жол жүріп, қазірде қарқынды дамушы көліктік-логистикалық орталыққа айналғанын жеткізді. Тәуелсіздік алған жылдарда 2500 км-ден астам жаңа жол, бірнеше ірі зауыттар салынған. – Елбасымыз ұлттық компания алдына 2020 жылға дейін транзиттік тасымалды 2 млн контейнерге жеткізу міндетін қойды. Осы тапсырманы орындау үшін нарықтың барлық қатысушыларының басын біріктіру қажет, – деді ол. Қанат Алпысбаев сонымен бірге компания алдында тұрған тағы бір міндет – «Цифрлық Қазақстан» бағдарламасы шеңберінде жаңа технологиялар мен цифрландыруды жеделдете дамыту екенін жеткізді. Басқару жүйесін автоматтандыруды қарастыратын «Цифрлы темір жол» бағдарламасы жасалып, оны жүзеге асыру басталғаны айтылды. Конференцияға қатысушы ҚР инвестициялар және даму министрлігі көлік комитетінің төрағасы Әсет Асавбаев мемлекет пен көлікшілердің жүйелі жұмыстарының арқасында темір жол саласы жылдам дамып жатқанын айтты. Сонымен қатар соңғы кездері Қазақстанда темір жолдағы жүк тасымалының көлеміне тікелей әсер ететін көліктік экспедициялық қызмет те айтарлықтай дамуда. – Бүгінде көліктің барлық түрлері бойынша шамамен 700 экспедитор компания табысты жұмыс істеуде, олардың көбісі өзге елдердің темір жолымен өзара әрекеттестікте жұмыс істейді, – деді Әсет Асанұлы. Ол сондай-ақ экспедиторлық қызметтің дамуына әкімшілік кедергілер теріс ықпал ететінін атап өтті. Сонымен байланысты аталған министрлік Қазақстан теміржолымен бірге көлік саласы, соның ішінде теміржолда цифрландыру жобаларымен жұмыс істеуде екенін жеткізді. – Цифрлы технологияны енгізу көліктік үдерістердің тиімділігі мен қауіпсіздігін арттыруға көмектесіп, біздің жолдарымызды қауіпсіз, әрі жайлы етеді, - деді Әсет Асавбаев. Қазақстанның ұлттық экспедиторлар қауымдастығының бас директоры Илья Сегал нормативтік-құқықтық базаны жетілдірудегі жұмыстардың алғышарты ретінде осы қауымдастық, «Атамекен» ҰКП жұмыс тобы алаңдары мен «ҚТЖ» ҰК» АҚ дөңгелек үстелдерінде бизнес мәселелерін талқылау арқылы заң бастамаларын қалыптастыруға компанияның мамандарын тартуға назар аудартты. Конференция барысында қауымдастықтың құрметті төрағасы, ҚР-ның алғашқы көлік министрі Нығметжан Исингарин жылы лебізін білдіре отырып, «ҚТЖ» ҰК басшысына экспедиторлық бизнесті дамытуға қосқан үлесі үшін ҚҰЭҚ-ның естелік белгісін табыстады. Ғылыми-тәжірибелік конференция қатысушылардың «ҚТЖ» компаниясының мұражайын және «Continental Logistics» көліктік-логистикалық орталығын аралауымен аяқталды. Конференция барысында көліктік-логистикалық компаниялар тұжырымдамалық деңгейде тасымал үдерісіне қатысушылар арасында серіктестіктің артықшылықтары туралы белсенді түсіндіру жұмыстарын жүргізу қажеттігі атап айтылды.

20 жылдық белес

Читайте также