Ауыр «салмақтылардың» өнімділігі артты

Новости

09.02.2018, 11:29

Семей ЖТ бөлімшесі жүк тасымалы қызметінде жаңа кәсіби деңгейге көтерілді. Өткен жылдың сараптамалық көрсеткіші мен ағымдағы жылға белгіленген межелі міндеттер осыны айғақтап отыр. Бөлімше бойынша жүк айналымының көрсеткіші алдыңғы 2016 жылмен салыстырғанда 79,7 млн.тонна-шқ неттоға өсіп отыр. Яғни, аталмыш бағыт бойынша бүкіл жыл бойына белгіленген жоспарлар 101,2 пайызға орындалып, Шығыстағы теміржолшылар биыл да діттеген межеден табылды. Жүк тасымалында бірінші кезекте Дегелең станциясына назар аударылған-ды. Бұл тарапта ұзындығы 100 вагоннан тұратын, салмағы 9000 тоннадан артық 29 ауырсалмақты поездардың жөнелтілуі ұйымдастырылды. Дәл осы шараның есебінен көмір тиеу өткен жылмен салыстырғанда 1 миллион тоннадан астам көрсеткішке жетіп, рекорд жаңартылды. Дегенмен, Семей-Дегелең телімінде 6300 тонналық ауырсалмақты поездарды құрастырудың оң көрсеткішті еселеудегі үлес салмағы анағұрлым басым болып тұр. Жүк жөнелтілімінің 71,9 пайызын құрайтын 9345 ауырсалмақты пойыздарды жолға шығару – тиелген жүктің кідіріссіз жеткізілуіне ашылған тағы бір оңтайлы мүмкіндік болып отыр. Сонымен қатар Ресейдің шеткі нүктесі – Локоттан Ақтоғайға дейінгі пойыздар салмағын 4500 тоннаға дейін өсіру де тиімділікті еселей түскен. Өткен жылдың көлемінде Локоть станциясынан Орта Азияға дәл осындай салмақтағы 63 пойыз құрастырылып, жөнелтіліпті. Бұл шаралар өз кезегінде пойыздарды өңдеу уақытын қысқартып, транзиттік вагондардың айналымын да тездетуге қолайлы жағдай туғызған. Тағы бір жайт, осыған дейін ұлттық компания бойынша тыңнан қолға алынған эксклюзивті жоба – шаттл пойызын құрастыру өткен жылы да өнімді нәтиже берген. Бұл ретте, Жаңа-Семей станциясы бойынша ұйымдастырылған шаттл пойызымен 785 вагон тасымалдан екен. Барлығы – 39 жөнелтілім орын алған. Басты жүк жіберуші – тұрақты клиент «Алмикс» ЖШС-нің құрылыс материалдарын жабық вагондармен тасымалдау және «Семей цемент зауыты» ЖШС өнімін хоппер-вагондар арқылы жеткізуді биыл да жалғастыру көзделуде. Сонымен қатар, бұл бағыт бойынша орын алар бір жаңашылдық – жүк жіберу, түсіру бағыттарын кеңейту де межеленген. Айта кетерлігі, осынау аралықта тасымалдау процесіне қатысатын жұмысшылардың еңбек өнімділігі жылдық жоспарға қарағанда 100,3 пайызға орындалыпты. Оның бір себебі – контингент 134 бірлікке азайған. Осының нәтижесінде аталмыш көрсеткіш өткен жылдың есепті мерзімімен салыстырғанда жұмыс өнімділігінің 104,3 пайызын құрап, тағы бір тың жаңалық орын алды.

Ауыр «салмақтылардың» өнімділігі артты

Читайте также

Газета Қазақстан теміржолшысы, №32-33 от 28 апреля 2026 года