Болашағын Болашақпен байланыстырған

Новости

06.03.2018, 15:18

2 мин чтения

Гүлмираның өмірбаяны қызық. Орал облысының Ақжайық ауданында дүниеге келген. Әкесі есепші, анасы мұғалім. Туған ауылы Базартөбе теміржолдан жырақта орналасқан. Осындай теміржолмен көп алды-бердісі жоқ, өзімен өзі бірсарынды тірлігі қайнаған ауылда өскен Гүлмира қалай теміржолшы болды? Оның алғашқы игерген мамандығы – мұнайшы. 1981 жылы мектеп бітірген соң Ақтау қаласында тұратын апасының қолына келеді. Түбектегі мұнай өндіруші кәсіпорынға жұмысқа орналасады. Мекеменің өндірістік жолдамасымен Мәскеу қаласындағы Губкина атындағы жоғары оқу орнына оқуға қабылданады. Сол жақта жүріп тұрмысқа шығып, балалы болады. Осылайша Отанынан біраз жыл алыста жүріп барып туған жерге қайта оралтады. 2002 жылы теміржолға жүк және багаж қабылдап-тапсырушы болып жұмысқа тұрады. Содан бері теміржолшы. 2011 жылы жаңадан ашылып жатқан Болашақ станциясына жұмыс ауыстырады. Оған дейін Маңғыстау, Ақтау порты станцияларында еңбек етеді. Еңбегі еленіп, 2010 жылы Маңғыстау жол бөлімшесі директорының Құрмет грамотасымен марапатталады. – Болашақ станциясы ашылады дегенді естігеннен алғашқы лекпен осында ауыстым. Ендігі өмірімді Болашақпен байланыстырғым келді. Мұнда мені қызықтырған басты нәрсе – станцияның перспективасы, шекаралық станция статусы болды. Онда жұмыспен, барлық жағдайы жасалған баспанамен қамтылдым. Қазір жұмыста барлық жағдай жасалған, заманауи технология, интернет – бәрі бар. Станция арқылы жүк тасымалы жылдан-жылға жоғарылап келеді. Түркіменстан арқылы Иранға, Ауғанстанға өтетін жүк вагондарына қызмет көрсетеміз. Күнде Түркіменстанға екі пойыз, Түркіменстаннан Қазақстанға екі пойыз өткіземіз. Кей кездері одан да көп. Міндетім – теміржол саласының қауіпсіздігін сақтай отырып, жүкті дер кезінде және ешқандай ақаусыз өз уақытында тапсыру,- дейді бүгінде станцияда аға жүк және багаж қабылдап тапсырушы болып еңбек ететін Г.Сыдықова. Теміржол саласында біілмін толықтырып, өз мамандығын жан-жақты игеру үшін «студент» атанар жастан өтіп кетсе де кейіпкеріміз Қазақ қатынас жолдары университетіне түсіп, сырттай оқып жоғары білім алғаны – оның табандылығының нәтижесі екені белгілі. Бүгінде өзіне ұнайтын, жайлы жұмысы бар, ұлы Дәуреннің де тағдарын теміржолмен байланыстырғысы келгенін қуанан құптады. Станцияда техникалық кеңседе оператор болып еңбек ететін ұлының алғашқы аяқалысына көңілі толады. Гүлмираның арманы – барлық аналардың арманына ұқсас, маңдай терінің жемісін көру, ең бастысы, теміржолдағы еңбегі енді басталып жатқан жатқан жалғыз ұлының, өзін "әже" атандырған немерелерінің Болашақтағы болашағына сенеді.

Болашағын Болашақпен байланыстырған

Читайте также

Сейчас читают