Болашаққа – бес жыл

Новости

18.05.2018, 11:45

2 мин чтения

«Өзен – Түркіменстанмен мемлекеттік шекара» теміржолының бойында, көрші елмен екі арадағы Болашақ станциясы бес жылдық белесті артқа тастап отыр. 2013 жылы 11 мамырда Қазақстан мен Түркіменстан Президенттері жаңа жолдың тұсауын кесіп, телімнен алғашқы пойыз өткелі – бес жыл. Алғашында тек теміржол, шекарашылар, кеден қызметкерлері қоныстанған ел шетіндегі елдімекен өсе келе мектеп, балабақша салынып, ауыл әкімшілігі құрылып, алғашқы жылдары халық саны 200-250-дей болса, қазіргі таңда 700-ге жуықтаған. Бұрынғыдай жан-жақтан қатынап, вахталық әдіспен жұмыс жасайтын халық жоқ, қазіргі таңда барлығы Болашақ ауылына тұрақты түрде орналасқан. Кентте абаттандыру мен көгалдандыру жұмыстары әлі жалғасып келеді. Осының бәрі, әрине, ең алдмен теміржолдың арқасы. – Жалпы 5 жылдан бергі көрсеткішке келетін болсақ, транзитті жүктер жылдан жылға аздап болса да артып келеді. Болашақ ашылғаннан бері 1145 пойызды тапсырып, 1306 пойызды қабылдап, жалпы жүк айналымын 3 799 464 тоннаға жеткіздік. Станциямыз жаңа болған соң ең соңғы үлгідегі техникамен жабдықталған. Біздің Болашақ станциясында жұмыс жасап, Маңғыстау өңіріндегі басқа станцияларға және бөлімшеге жоғары лауазымдық қызметтерге өсіп кетіп жатқан мамандар көп, сондықтан біздің станция өсу баспалдағы, трамплин болып тұр десек те болады, – дейді станция бастығы. 2012 жылдың 11 сәуірінен бастап Болашақ станциясында бас инженер, ал 2016 жылдың 1 қарашасынан бастап осы станцияның бастығы қызметін атқарып келе жатқан азамат бұдан бұрын Бопай станциясы бастығы, Ақбөбек бекетінің кезекшісі, Маңғыстау станциясында жүкті қабылдап-тапсырушы, №15 бекет кезекшісі секілді қозғалыс саласының маңызды қызмет сатыларына өтіп сыналған екен. Оңтүстік Қазақстан обылысы Отырар ауданының тумасы М.Тынышпаев атындағы көлік академиясының «Темір жол көлігіндегі тасымалдауды ұйымдастыру» факультетін үздік бітірген. Станцияның биылғы жоспары жыл басында бекітілген міндеттерге сай келеді. Келген-кеткен пойыздарға тез және сапалы қызмет көрсетеуді болашақтықтар әдбен меңгеріп алған. Өйткені, олардың бәрі ел экомномикасы үшін маңызды транзит жүктер, экспорттық тауарлар екенін олар жақсы түсінеді. – Болашақ станциясының Қазақстанның транзиттік әлеуетін қазіргіден де арттырып, отандық өнімдердің жаңа нарыққа шығуына жол ашатын мүмкіндігі әлі де мол. Болашақ-Серхетяка – Парсы шығанағы елдеріне шығатын трансұлттық теміржол дәлізінің Қазақстан, Түркіменстан және Иран елдерінің жүк ағындарының теңізге шығу жолы. Теміржол желісі арқылы негізінен астық, мұнай және мұнай өнімдері тасымалданады. Жүк көлемін жылдан жылға біртіндеп арттыру жоспары тұрақты түрде жүзеге асып келеді, – дейді станция бастығы.

Болашаққа – бес жыл

Читайте также

Сейчас читают