Қырағылықты серік еткен сарбаздар

Новости

20.09.2016, 16:36

2 мин чтения

Бір өзінде 28 жолы бар, үлкен сұрыптау станциясының қатарына жататын Қазығұртта жұмыс қашан да қарбалас. Сондықтан, негізінен мұнай тасымалы сұрыпталып, жөнелтілетін бекетті күзету зор жауапкершілікті талап етеді. «ӘТЖК» АҚ Шымкент филиалына қарасты Текесу атқыштар командасының сегіз жігіті Қазығұрттағы үш қосын мен «Солтүстік» және «Оңтүстік» алқымда өз жұмыстарын атқарады. Қазақстандағы үш зауытың біріне жататын Шымкент мұнай өңдеу зауытының өнімдері Текесу бекетінде вагондарға толып келген соң, қайсысы қай өңірге кететіні Қазығұртта сұрыпталады. Одан бөлек, бекет маңында кірме жолдары бар кәсіпорындар жүк артады. Тәулігіне келетін 15-16 пойыздағы әр вагонның пломбасын тексерумен қатар, қай кірме жолға қанша вагон кіріп-шыққанына дейін басшылықтарына хабарлап отырады екен. Бір құрамды тексеруге 30-40 минут кететіндіктен, шапшаң қимылдайтын күзеттегі жігіттер төбеде 37,500 вольтті электр тоғынан өздері мен өзгелерді де сақтандырып жүреді. Ауысымдағы аға күзетші Нұрдәулет Смановтың айтуынша, жігіттер күзетке берілген вагондарды қабылдағаннан кейін, маңайына бөгде адамдарды жақындатпай, кететін жағына кемшіліксіз жеткізуді көздейді. Болмаса келесі ауысымның күзетіне ақаусыз өткізеді. Құрам арасын жиі тексеріп жүріп, техникалық және өрт қауіпсіздігін сақтауды да ұмытпайды. Себебі, мұнда тек жанар жағар май, солярка сынды қауіпті жүктер жөнелту кезегін күтіп тұрады. Бекеттегі 1-10 жолдың арасына екі күзетші бекітілген. Қалған жолдарда да осылай. Қазығұртпен қатар, осы жолдың бойындағы Сайрам, Леңгер станцияларына келетін пойыздардың қауіпсіздігін аталған мамандар қамтамасыз етеді. – Өндіріс аумағына кірген-шыққан бөтен адамға дейін, олардың қайда, кімге келе жатқанын сұрау – біздің міндетіміз. Теміржолшылардың өздері жүрсе, үстінде сары жейдесі болу керек. Онда да бүгін темір жолда кезекшілікте ме, не үшін жиі өтіп жатқанын анықтап тұрамыз. «Солтүстік» алқымдағы күзетшілердің өзі қай тепловоз не әкетіп жатыр, қандай вагон ішке кіргенін келесі посттағы жігіттерге хабарлап тұрады. Келген вагондарды да құжатпен тексеріп, дұрыс болған жағдайда ғана жібереміз. Ал, қалғанын жүк қабылдап жөнелтушілер өздері бақылауға алады. Қысқасы, осы жерде қыбырлаған адам да, іркес-тіркес вагондар да ауысым кезінде біздің назарымызда болады, - дейді аға күзетші Нұрдәулет Әбілқасымұлы.

Қырағылықты серік еткен сарбаздар

Читайте также

Газета Қазақстан теміржолшысы, №81 от 13 октября 2026 года

Сейчас читают