Оңтүстікте күн суытып, қыс келді...

Регионы

29.11.2016, 12:12

2 мин чтения

Шымкент жол дистанциясының мамандары үшін бұл апта қарбаласпен басталды. Сенбі түннен бастап жексенбі күнімен жауған қардан жолшылар бұрмаларды аршыса, электр мамандары әуе желілерін тексерді. Күн күрт суытқандықтан электр желілері тартылып, сымдар бір-біріне жабысып қалу қаупі байқалды. Аға электр механик Тұрар Керімқұлов ауыспалы мұнара құрылғысы арқылы әріптестерімен электровоз тоққабылдағыштарының өз мөлшерінен шығып кетпеуін бақылап шықты. Ал, Шымкент станциясының «Оңтүстік» алқымында аға жол шебері Еділбек Тағаевтың басшылығымен 8 жолшы кешке дейін 45 бағыттағыш бұрманы қардан аршыды. Жалпы, Шымкент жол дистанциясы бойынша жексенбі күні 65 маман, түнгі ауысымда 36, дүйсенбіде 45 жолшы бұрмаларды ақ ұлпадан тазалаған. Бұрмалар қарға тығылып қалмас үшін, дистанциядан бөлек 13 мекемеден мамандар бөлініп, қармен күресті бірлесе атқаруда. Қарашаның 21-і мен желтоқсанның 21 аралығында Шымкент жол дистанциясында «Жолды ағымдағы күтіп ұстау мен рельстердің жағдайын бақылау» айлығы басталды. Суықта рельстер тартылатындықтан, аязға сынып не болмаса майысып ақау орын алуы мүмкін. Айлық барысында барлық рельс бойы толық тексеріліп, қай жеріне қандай жөндеу керектігін анықталады. – Бұрмалар мен рельстер арасындағы саңылауларын тексеріледі. Сосын аптасына бір рет телімге шығып арбашықтардың жұмыс атқаруын, техникалық жағдайын қараймыз. Әсіресе түйіскен рельстердің арасындағы саңылауларына қатты мән беріледі. Егер, рельс арасындағы саңылаулар ашылып кетсе апат орын алуы мүмкін. Дистанция бойынша қазір 13 арбашық бар, бірақ алтауының жағдайы төмен, яғни 50 пайызы ескірген. Сонда да ескілерін амалдап 26 оператор осы арбашықтармен үнемі рельс бойын қадағалап тұрады, – дейді ақаутапқыш цехының шебері Бейбіт Ақбердиев.

Оңтүстікте күн суытып, қыс келді...

Читайте также

Сейчас читают