Он айда Қазақстан арқылы теміржол көлігімен тасымалданған транзиттік жүк көлемі 17,2 млн тоннаға жетті

Үстіміздегі жылдың он айында Қазақстан аумағы арқылы өткен жалпы транзиттік жүк көлемі 19,5 млн тоннаны құрап, өткен жылдың есепті кезеңімен салыстырғанда 3,7% жоғары болып отыр, деп хабарлайды Rail-news.kz. Соның ішінде теміржол көлігімен өткен транзит 17,2 млн тоннаны құрапты. Ал транзитті автокөлікпен тасымал қаңтар-қазан аралығында 2,3 млн тоннаны құрап, 2020 жылдың сәйкес мерзіміне қарағанда, 38,5% өскен. Контейнерлік тасымалдың жалпы көлеміне келсек, биылғы он айдағы көрсеткіш 883,2 мың ЖФЭ-ні құрап, былтырғыға қарағанда 25% артық шыққан. Әсіресе, тасымал көлемінің Қытай – Еуропа – Қытай бағытында 36,4% өсіп, 604,5 мың ЖФЭ-ні құрап отырғаны байқалады.