2021 жылы теміржол көлігімен 250 млн тоннадан астам жүк тасымалданды

2021 жылғы қаңтар – желтоқсан қорытындысы бойынша «ҚТЖ» ҰК» АҚ желісі бойынша жалпы тиеу 256 млн. тоннаны құрады. Оның ішінде ел бойынша – 166 млн тонна, экспортқа – 90 млн тонна.

 106 млн. тонна көмір тасымалданса, бұл өткен жылдың көрсеткішінен 3% жоғары. Қазақстандық тұтынушылар үшін 74 млн. тонна қатты отын тиеліп, 2020 жылға қарағанда өсім 2% құрады. Көмір экспорты 5,6% өсіп, 32 млн.тоннаға жетті. 9 млн.тонна астық тиелсе, оның ішінде 6,8 млн. тоннасы  экспортқа жөнелтілді.

 Өткен жылы темір жол көлігімен 15,4 млн.тонна құрылыс жүктері, 27 млн. тонна темір кені мен марганец, 4,8 млн. тонна қара металдар, 3,9 млн. тонна химиялық тыңайтқыштар, 21,8 млн. тонна түсті кен мен күкірт шикізаты тасымалданды. 2020 жылдың деңгейіне қарағанда мұнай жүктерін тасымалдау 5,6%, яғни 17,5 млн.тоннаға дейін өсті.

Транзиттік контейнерлік тасымалдар 1 млн. ЖФЭ астамды құрады, бұл өткен жылдың көрсеткішінен 22% жоғары.