Павлодардан Қытайға күнбағыс тиелген контейнерлік пойыз жөнелтілді

Павлодар-Южный станциясынан Қытайдың Ланьчжоу қаласына 40 футтық 54 контейнер тиелген пойызжол тартты.

Ол Алашанькоу-Достық шекарасы арқылы өтеді. Пойыз толығымен «Кедентранссервис» АҚ вагондарынан жасақталған. Жүктің салмағы 1400 тоннадан асады. Бір бағыт бойынша жүру уақыты 7 тәулік.

Контейнерлерлік тасымал – мемлекетаралық тауар алмасуда өте қолайлы тәсіл болып отыр. Ең бастысы жүктің барар жеріне дінаман жетуіне кепілдік бар. Оның сыртында, темір жолдан түсірілген жүкті автомобиль немесе теңіз көлігі арқылы әуре-сарсаңсыз одан әрі тасымалдауға болады.