Елімізден Қытайға 1,5 мың тонна күнбағыс майы жіберілді
Корреспондент газеты «Қазақстан теміржолшысы»
«KTZ Express» АҚ-ы «Жаңғыру жол» ЖШС-і және «Европак» ресейлік компаниясының серіктестігімен Қазақстанда өндірілген 1,5 мың тонна күнбағыс майын Қостанай станциясынан Қытайдың Солтүстік-батысындағы Наньтун портына жіберді.
Салмағы 1500 тоннадан асатын жиырма футтық 82 контейнерлі пойыз 14 күнде 6000 шақырымнан астам жолды жүріп өтеді.
Мамандандырылған контейнерлер мен цистерналарға балама ретінде флекситанктерді пайдалана отырып жүктерді тасымалдау – жүк жөнелтушілердің шығындарын оңтайландыру және қазақстандық өнімнің шетелдегі бәсекеге қабілеттілігін арттыру тұрғысынан қызықты әрі перспективалық қызмет болып табылады.
Еске салайық, Қазақстанда өндірілген майлардың алғашқы жөнелтілімі 2021 жылдың 19 қарашасында Көкшетаудан Қытайға бет алған, ол Ресей арқылы өтетін дәстүрлі бағытпен жеткізілді. Қытайға ол кезде 2 000 тонна күнбағыс майы жіберілген еді.