Атырау жүк тасымалы: Мұнай тиеу көлемі артып келеді
Атырау облысы бойынша меншікті тілші
Атырауда күніне мыңдаған тонна мұнай өндіретін Теңізшевройл компаниясы жүк жөнелту көлемін арттырып отыр.
Биылғы жылдың алғашқы айында Теңізшевройлдың мұнайын «ҚазТрансОйл» компаниясымен Батуми мұнай терминалына жүкті ауыстырып тиеу көлемі 82,5 мың тоннаны құраған. «Бұл – Атырау жүк тасымалы бөлімшесінің жүк тиеу жоспарына жағымды әсер ететін құбылыс. Ол жүктер Құлсары станциясы арқылы Маңғыстау бөлімшесіне қарай өтеді» дейді бөлімшенің өндірістік-техникалық бөлім басшысы Азиз Айжарықов.
«Батуми мұнай терминалының» (БНТ) 100% бөлігін иеленуші «ҚазТрансОйл» АҚ-ның мәліметіне сәйкес, 2022 жылы БНТ арқылы ТШО-да өндірілген 1 млн 927 мың тонна мұнай және газ өнімдерін тиеп-жөнелткен. Компания ақпан айында да 50 мың тонна жүк жөнелтпекші.